小...新派美食天堂兼高級煮食場地🍱🧑🍳小編參觀咗喺天后地鐵站附近嘅新商廈「Park Aura 亨環‧天后」🏢，地下兩層係Food Loft， 有唔同嘅美食小店進駐，2樓係新派嘅超級市場「百味市集」，22樓係多用途廚房及宴會場地嘅「煮食共和」，因為大廈都好新，進駐嘅食肆暫時唔係好多，期待第時每一層都係餐廳，或同美食相關嘅店舖🤩。首先我要講嘅係煮食共和Chef Republic， 一上到去感覺就係好豪華，地方大到可以容納幾十人之餘，全場落地玻璃可以270度飽覽全個維港景色🏙，又可以行出去露台觀賞。而我更欣賞嘅係有相當齊全同專業嘅五星級廚具，專門俾公司或團體租用來炮製美食同搞下活動🍾。至於百味市集Feast Market，引入唔少香港新興品牌🇭🇰，仲有日本、泰國等世界各地嘅精選食品或禮品，唔係普通嘅超級市場可以搵到嘅嘢食，上到嚟簡直就好似尋寶一樣。由本地手工雪糕、高級法國佳餚、真空包裝刺身、有機食材至零激素優質凍肉應有盡有。店內更設有生酮飲食專櫃，也有養生與有機綠色食品🌱，適合不同飲食習慣的朋友。Food Loft而家有14間食肆小店，我就揀咗Cooley oyster食大大隻嘅新鮮生蠔🦪，鮮甜到海水味好重。阿里郎嘅芝薯拉絲熱狗棒用料好豐富🌭，有炸薯粒、芝士、熱狗腸同麵包，芝士拉絲仲勁到可以無限伸延！chumchummi嘅牛肉紫菜飯卷，牛肉、菠菜、炸蝦、韓國醃菜等🍣，食到回味無窮。嚐雪糯米糍嘅芒果糯米糍🥭，好似手掌咁大嘅糯米糍，切開有大大個芒果，又厚又鮮又甜，令人滿足。最後整返兩杯嘢飲🍹，Melpot嘅抹茶同士多啤梨，完滿！嗰度仲有好多唔同嘅輕食小店，以外賣為主🥡，提供少量座位，搵日再去同探究一下🔎！📍亨環‧天后 - 電氣道 54 號 @parkaurahk 📮Follow @fm.feed ➡ to discover more appetizing foods原文: https://www.instagram.com/p/CTi_B4ZBgIC點擊圖片放大 +8
