嚟到大角咀新開嘅bagel店🥯,坐落於一棟舊樓嘅地舖,上面搭咗棚架,但憑藉獨特嘅裝潢,一樣吸引街客嘅目光。 🥯Avo Chicken $72 🥯The Stack $82 ☕️Double Chocolate $38 ☕️Earl Grey $32 佢哋有八款唔同嘅貝果選擇,或者揀Panini, Ciabatta, Sourdough等,跟餐仲會配埋Side Salad🥗或Fries🍟。飲品除咗有咖啡,仲有Smoothie。 我哋叫咗Avo Chicken配上Sourdough,而The Stack就配上Sesame Bagel。兩個都有芝麻菜🥬、秘製千島醬、意式風乾番茄🍅、青瓜🥒、番茄。而Avo Chicken不少得牛油果同雞肉🥑,仲有自製醃料、燒燈籠椒🌶、醋泡小黃瓜,其次The Stack就以五香熏牛肉同火雞火腿為主,配上炒蘑菇🍄。兩個都係一半蔬菜一半肉類,令口感得以平衡,清新又飽肚,Bagel鬆軟有彈性,成個一啖咬夠晒滿足感。 飲品方面,用上嘅咖啡杯都好別緻,Double Chocolate有相當濃厚嘅朱古力味,Earl Grey 香濃嫩滑😀。留意佢嘅Earl Grey 都係咖啡,如果淨茶要講明走奶。 餐廳可能因為新開,樓面運作比較混亂,下晝時候人流都幾多,等候時間都比較耐⏱。老闆帶埋隻狗開工🐶,一直都好忙,到咗四點幾開始得閑啲,老闆就拖咗隻狗去散步🏃♂️。 📍The hangout bar & cafe - 大角咀博文街18號地舖 @thehangout.olympic 📮Follow @fm.feed ➡ to discover more appetizing foods 原文: https://www.instagram.com/p/COmn0UvjREz點擊圖片放大 +7