🍗Harita...到上環體驗印式風情🇮🇳🍗Haritalı Tikka $88🍤Punjabi Pakoras $68🥟Paneer Momo $88🐟Fish Madras $88🫓Green Onion Nan $29🍚Pullau Rice $48☕️Indian Masala Tea $29🥤Mango Lassi $36🍺Kingfisher $38今次嚟到位於上環嘅印度餐廳，一睇個Menu，種類好多，花多眼亂，仲有素食嘅餐單🥬，亦都有二人三人等等嘅套餐👨👩👧👦。我哋去到未叫嘢食，老闆就送咗幾隻蠔俾我哋🦪，仲要係大大隻。👉Haritalı Tikka 係加咗唔同嘅香料嘅雞，食落香口又惹味，香港人都啱。👉Punjabi Pakoras 係一啲用好多唔同粉製成嘅炸物，鬆軟而皮脆，可以點辣醬加一點滋味🌶。👉Paneer Momo 係印式嘅芝士餃子🧀，佢嘅芝士同我哋平時食開嘅唔同，有啲水狀但冇乜芝士味。👉Green Onion Nan 好大塊，軟林林但好厚身，食落去有啲薑蔥味，可以點下啲醬料一齊食。👉Pullau Rice 好似炒飯咁，但用嘅米係幾特別，食上去有印度嘅風味。👉飲品方面，Masala Tea 好似奶茶咁，香料味口感幾重，同少少嘅苦澀味。👉Mango Lassi 係印度出名嘅飲品，呢杯飲落好香甜，芒果味好重，上面仲有拉花🌷。👉Kingfisher 係印度最出名嘅啤酒，口感略有苦澀味。老闆好好客，好鍾意同客人交流💬，又好關心我哋。我哋食完野佢仲問我飲唔飲酒，我同佢就飲咗幾shots嘅whrisky🥃，Amrut Kadhambam 係印度嘅威士忌，50% ABV，感覺幾清純，容易入口，另外我哋仲飲埋Black Label。同老闆一邊飲酒一邊傾偈，店舖原來本身係做自助餐，間唔中仲有印度人開party🎊，不過因為疫情冇再做自助餐，疫情影響之下，店舖蝕緊錢，經營相當困難。老闆Bahadur仲介紹有成幾十Lites嘅酒容器🏺，嗰度仲有神象🐘，係用真嘅象牙做🦷。地方超大但當晚星期日人好少，場地仲有好多唔同嘅音樂器材🎶，本身係搞party用，有印度嘅結他Sarod🪕。最後要多謝老闆熱情嘅款待🙏，同老闆傾偈簡直就係帶咗我去體驗印度之旅。希望疫情盡快過去等飲食界可以重獲新生。另外都希望大家得閒就支持一下呢間印度餐廳💪。📍印度皇 Basmati - 上環三台商業大廈1樓 @basmati_hongkong 📮Follow @fm.feed ➡ to discover more appetizing foods原文: https://www.instagram.com/p/CN1ZUoADj1V點擊圖片放大 +8
