🍚四重...嚟到旺角一間略有名氣嘅丼飯店🍚🍚四重火山丼飯 $298拖羅蓉、海膽、鮮松葉蟹肉，而拖羅蓉由多種材料赤身、甜蝦、劍魚腩、帆立貝、紋甲魷魚、三文魚籽。🍚北海豐盛丼 $198兩大赤蝦、左口魚裙邊、海膽、三文魚籽、帆立貝。火山丼飯嘅海膽都算多，但我嫌略為有啲腥，好似唔夠新鮮，而松葉蟹肉都唔錯但味道唔算突出。最正都係堆到成座山咁嘅拖羅蓉🏔，用料相當豐富，的確係好味，不過火山個碗比想像中細，整體黎講成三舊水就見仁見智。相比之下豐盛丼就抵食啲，碗大啲又食到多啲唔同嘅料。赤蝦又有兩隻🦐，味道幾爽甜。帆立貝唔好睇佢細細塊，幾清甜又滑。喺食嘢之前仲有細細杯麵豉湯🥣，入邊嘅配料都幾多，味道唔錯。嗰度非酒精飲品就係罐裝汽水同綠茶🍵，選擇唔多，我哋就試吓綠茶，細細支由日本入口，味道幾香濃，不過一支$28會略貴。當日去到雖然未至於要排晒隊，不過店內流轉率都幾高。店內裝修比較簡潔，牆身好似黑板咁寫咗啲字同畫咗畫🎨。📍爆丼屋 - 旺角豉油街8號舖 @bigbangdon.hk 📮Follow @fm.feed ➡ to discover more appetizing foods原文: https://www.instagram.com/p/CN6gYNgjsIO點擊圖片放大 +5
