追開韓劇，有韓流吹襲香港也會密切留意。 今次韓風係honey granny 蜂巢雪糕。之前睇雜誌已介紹過紅磡的那一間。但因為紅磡不是會無端端去的地方，所以一直未試到此雪糕。 今天去了旺角，路經登打士街，見到有間鋪頭門口放了花籃。停一停，望一望，原來係Honey Granny! 立刻入去買杯雪糕，$32，可選原味（牛奶味）或奶茶味。其實我對奶茶味有興趣，不過又怕蜜糖不是奶茶的friend。問下店員可不可以試味，但被拒絕，然後他們建議首次試食就選原味。 店門口有張紙印了雪糕食法。先吃一口雪糕，很滑，很好奶味。再吃一小口的蜂巢和雪糕，蜜糖好甜，蓋過了原本的雪糕味。吃過這一口後，再吃餘下的雪糕也品嘗不到牛奶味了，整個口就只有蜜糖味，有點甜。 另有一點要注意：這個軟雪糕溶化速度超快！不夠5分鐘已溶掉1/4杯。喜歡讓相機/電話先吃的你，要快影再快吃！
