個個都話25歲之後皮膚會急轉直下，一直以黎我都唔係好信，因為25歲個年都無咩特別差到，點知26歲生日一過，我皮膚就DUM一聲變到好差，T字位成日出油、鼻有時甩哂皮、係咁生D細粒瘡，搞到我又出去做FACIAL，家用護膚都要換過哂，呢D唔通就係輕熟肌膚的煩惱? 自從皮膚差左，開始換下D家用護膚，都接觸左唔少牌子，今次就同大家分享下面膜方面！因為金牛座的性格我真係唔係好捨得買D太貴的MASK，一直以黎都係用緊勁平周街都有的森田藥妝的面膜，貪佢夠平(卓悅30零蚊8塊)，但係最近發現佢已經滿足唔到我皮膚的需求>< 係我努力底下試左唔同台灣MASK，同大家分享下先！ 1. 嘉丹妮爾稻米保濕面膜 呢個品牌真係好低調，成個台灣北中南得3間門市，真係要好有毅力先可以買到，今次我試稻米保濕面膜，係用天然成分製造架，成個品牌都無添加酒精、色素同埋無做動物實驗，一開出黎就聞到有陣米漿味，D精華多到可以倒出黎咁，面膜無紙托底的，相對較難攤開，但彈性好好，都唔會扯爛，貼上面個下好AMAZING！係EXACTLY貼哂塊面！點解可以連大細都岩岩? 敷左上去好似隱形左咁>< 敷到20分鐘個時發現面膜仲有好多精華，又發揮金牛座的本性，敷多陣先(唔好學我啊，面膜敷15-20分鐘好喇)，敷完之後面豬令立立，即刻就覺得白淨左，最重要係第2朝起身皮膚仲係水潤，摸落去好細嫩！雖然價錢上貴DD，要差唔多HKD100/6塊，但真係對我呢個年紀有用D，唯有同D平野隔住用~~ 係香港好難買到，要買可以搵下D代購，我自己就係beauty by beauties到買的！ 連續敷左幾日個鼻的甩皮狀況都好返好多！ 2. 豐台灣蘆薈絲瓜面膜 標榜能夠長效控油，保濕修護。打開有面膜紙托底，要撕開先好痴上面，不過面膜SIZE比較大(定係我塊面細呢？)，邊邊突哂出黎既，同埋都幾唔貼面下，見到鼻、嘴邊都浮起哂，而質地唔算好薄但都唔係好厚。面膜上的精華唔算多到滴出黎，但敷完皮膚都尚算水潤有光澤，以大約HKD 7 一塊黎講都OK! 點擊圖片放大 3. 森田藥妝絲瓜蘆蘆保濕露面膜 呢個係「Essence Mask」系列入面其中一款面膜，主打「Organic Herbal Extract(有機植物萃取)」的成分，打開面膜發現有面膜紙，材質係天絲面膜，但我覺得厚度都係比較厚，不過多切口，都尚算貼面，而且眼耳口鼻都岩位！精華份量正常，唔會太少，敷既過程慢慢FEEL到面膜開始乾，皮膚都吸得幾好~ 用完都見到皮膚水分多返，不過效果持續唔到去第2日(以前後生KEEP得耐D架)，以咁平黎講，真係好岩無咩錢的學生妹妹用！森田面膜最方便，係莎莎卓悅都有得買，但唔係所有款都齊，我自己就慣去台灣個時入貨的！ 點擊圖片放大 如果想40歲個時都仲有靚靚肌膚，護膚真係唔可以懶，同埋要按住年紀增長買返相應的護膚品，睇黎我下一轉都要搵D抗衰老產品了！ 相關文章：超詳盡實測：嘉丹妮爾超保濕舒緩積雪草面膜|台灣人氣隱世護膚品牌 ======================================== IG: https://www.instagram.com/nomore_travelogue/ Facebook: https://www.facebook.com/nomoretravelogue/ Youtube: https://www.youtube.com/channel/UCcwJtbL7rpvubX3EIan6mLg Email: nomoretravelogue@gmail.com
