早排大熱既髒髒包殺到入香港，今次Share Le Pain揀係元朗開，一邊賣包一邊賣返台式飲品，呢幾日經過都見到幾多人排隊，今次腦魔就揀黎介紹啦 髒髒之胖 即係朱古力髒髒包啦，個表皮係脆皮，用左70%比利時朱古力整，內裡都幾鬆軟，有忌廉芝士同松露朱古力，阿爸食完都話真係好髒髒>< 唔可以係街食 爆醬珍珠軟歐 咩都要加珍珠，呢個包擺左隔夜第二朝早餐食，但依然keep到鬆軟，唔會硬化左咬唔到，吉士醬都幾多，但珍珠比較黏口，可以彈牙返少少，同埋數量都可以多幾粒 全麥鬆餅 (食完先記得無影相) >< 呢個正，鬆餅口感實在啲，全麥又健康，就算細細個都夠飽，仲要只要$8咋！另外有個抹茶味可試！ 珍珠鮮奶茶 包就gimmick啦，sharetea既飲品不嬲都飲開，今次揀左珍珠鮮奶茶，奶味茶味分怖都ok，有pat cream令到有啲creamy既感覺，飲落都ok 鮮醇芋頭奶 有芋頭蓉令口感更豐富，個芋頭味有啲似雀巢芋頭味雪糕， 如果再多啲芋頭就好 包同飲品質素就見人見智啦，不過呢到既員工超好態度同服務，令顧客既感覺都好好 店名：微酵烘焙 地址：元朗青山公路元朗段249-251號元朗廣場2樓235-236舖 ======================================== IG: https://www.instagram.com/nomore_travelogue/ Facebook: https://www.facebook.com/nomoretravelogue/ Youtube: https://www.youtube.com/channel/UCcwJtbL7rpvubX3EIan6mLg Email: nomoretravelogue@gmail.com
