之前食過老川皇的晚餐，性價比真係覺得一般，份量又少，食唔飽的，估唔到今次試午餐，反而有DD驚喜！今次我地單點，如果大家覺得套餐既選擇夠既話，亦可以點餐，餐平好多，$166已經有4人餐，不過我地今次目標係水煮牛，又要夠咁多人食，就揀左單點嚕 水煮牛 重點介紹！真係好大盤啊，牛既份量比上次食既水煮魚仲多，價錢又唔算貴，叫左小辣，真係唔太辣，好辣者可能要叫大辣，但牛肉可以再LUM D，底既芽菜食極唔完，吸哂啲辣，比牛肉仲有味，不過就會愈食愈油，食完都幾易屙 蒜泥白肉 望落好多蒜泥係面啊，但食落又唔算太重味，可以重味同入味少少～個人黎講都係鍾意譚仔個蒜泥白肉多D 夫妻肺片 口感爽口，但同樣地我覺得辣味唔太出，但份量都幾多 涼拌腐竹 呢個當前菜食，唔知點解食落開頭係辣味，去到喉嚨就會feel到甜味，可能係腐竹既鮮甜，食落都開胃 紅糖糍粑 糯米狀既甜品，外皮炸過，配以紅糖同黃豆粉，食落去唔太甜，外脆內軟，就算凍左都係咁好食 總括而言食物質素今次比上次晚餐高D，但以川菜黎講我覺得可以再辣啲，咁食落先有火辣辣搵野飲既感覺，另外服務方面都可以再貼心啲～ 店名：老川皇 地址：旺角登打士街32號歐美廣場1樓 ======================================== IG: https://www.instagram.com/nomore_travelogue/ Facebook: https://www.facebook.com/nomoretravelogue/ Youtube: https://www.youtube.com/channel/UCcwJtbL7rpvubX3EIan6mLg Email: nomoretravelogue@gmail.com
