美妝雖然不是我專長，不過忍唔住想同大家分享下! ［買粉底液加多一件貨品，送左上zip袋& Rouge Allure Ink fusion sample// Member 迎新送右上的sample kit]戴住個口罩一段日子，皮膚真係愈來愈差，雖然話返工有口罩遮住可以剩係化對眼，但食飯或者有時真係忍唔住係個位度除一除低，就算係麻甩系女子，都忍唔住覺得要查一查粉底。而以前用開某B.B牌子，依家可能唔太適合，順便又搵個藉口試新野haha。上網睇左幾brand, 終是今日去左SOGO打左個轉。 想搵d易推開(可以快快上完出門口）又唔易甩的。最後停左係Chanel，因為想要light d 又唔閃的，所以店員推介Les Beiges 自然高光塑顏粉底液。雖然遮瑕度無微精華果支粉底咁高，但係呢支的而且確感覺好好, 好水潤同易推開。 Cosmopolitan 介紹佢做「果凍瓶」,好貼切的形容點擊圖片放大 超級清爽透薄，超自然貼服。同埋用左幾日真係無浮粉和脫妝問題! 戴口罩唔覺焗,同埋除口罩都無咩甩。真心推介!! 絕對無呃你!睇返介紹話蘊含多種能即時減淡瑕疵的色素，第一種聚合物能瞬間淡化斑印和幼紋，第二種則能填充粗大毛孔，發揮柔滑肌膚的效能。然後店員同我講買多樣野，會送個袋仔同liquid lip kit。講講下，發覺呢支話成日斷貨的護手霜- LE LIFT智慧緊膚護手霜 可能你會話一支護手霜有幾勁呀!?仲要成$480/支，另外白色果支平幾十蚊(果支都好似成日斷貨...)Skincare expert 們可能會好了解，但後知後覺如我...今日先知..網上直程有article 形容佢「光亮感宛如玉石，效果極強媽媽手都回春」 可能你會問，點解唔買白色果支試下先？ 因為我發覺剛剛踏入左30以後對手的皮膚比以往下跌得真係快左好多，而且成日查搓手液又真係有影響。官方介紹話成份係採用媲美抗老化護膚產品的配方，全面守護年輕雙手之美。成份有萃取自擁有千年歷史的紫花苜蓿、甘草、羞草、荷荷巴和向日葵蠟。 至於好處，大家可以上網check check。 但戴定頭盔先，唔係用左好多日，未知係未咁勁住。Gift (比個close up大家睇下先） [粉底液加一件產品］•zip袋•Rouge Allure Ink Fusion matte liquid lip sample- 818 True Red ［Membership Welcome Sample Gift] - 有埋解釋•Hydrate: 山茶花保濕微精華露•Infuse: 茶花保濕微精華乳霜•Protect: 珍珠光采防曬妝前乳Happy share 報告完畢!Find me onBlog▸ http://flyyoursoul.blogspot.hk/U Blog▸https://blog.ulifestyle.com.hk/blogger/flyyoursoul/Instagram▸https://www.instagram.com/yungssoul/Youtube▸https://bit.ly/3egzduI
