【台灣單車環島2】 新竹<-> 雲林 (127km) 朝早起身，體會到咩係忽必烈既感受，單車短褲既作用真係好重要! 跟旅館好人阿姨道別過後 開始第2日旅程。(想重溫第一日行程？按這裡） 09:05am 經過新竹既教堂 話說琴晚食飯經過一個地方 有張美食周邊景點地圖 其中一個地點 - 新竹17公里海岸線 (南寮） 寶藍色既愛琴海式建築 - 特別吸引我注意。 見今日好天 所以決心一試去見識下係咪真係相如其景 10:00am 騎左無幾耐就到 真係繞路都值得! 適逢端午連假既星期日，遠遠已經感受嘉年華既感覺。 沿路經過見到一隊隊準備落水既龍舟選手 好有節日氣氛 人流剛好，唔會太逼， 播著台灣既流行歌 (其中有幾首係FIR 已經好耐無聽過佢地既歌） 如果唔係今日踩車的話 真係想多留一陣 端午節當然唔少得龍舟 離開南寮向香山出發 經過既係今次旅程最美自行車道 (單車道） 係樹海中穿梭 樹蔭下停低休息 邊騎邊聽住歌 絕對係賞心樂事 。 途經彩虹大橋 由遠在天邊 到近在眼前既風車 這條自行車道接近尾聲了 今日同琴日天氣比較，可以話係天淵之別 太陽係正上空 簡直同乾煎無分別 第二日平原為主 相對係踩得輕鬆。 本來以為咁好天 可以一直踩到雲林縣 (台中南面2個縣，約60km) 跟中學同學夜晚會面..... 中途先知咁樣係有點不自量力。 中間為趕行程地Miss左好幾個景點 如 好望角(經過左都唔知道orz)，高美濕地 :( 回想都係有點可惜 下次應該要做足功課，買個教訓吧。 2:17 pm 途經鹽廠 由於走既係海線 台61 + 台1 (近海邊）所以今次行程會Skip左台中, 但如果你係有打算單車環島既話 台中係第2日一個唔錯既落腳點。 5:05 pm 追分車站同成功車站 可能係個名令我特別好奇吧 兩個站距離不遠 決定影一影留念。 5:30pm 夕陽無限好 台中到南投 這條橋時候拍的 騎著騎著 不知不覺已經入黑了 距離目的地仲有50km 以我每小時20km/h 既速度是沒希望了到達。 臨急之下想到既方法係 先找個最近既火車站放低單車 搭火車到雲林既斗六 睇睇地圖，最近既火車站係員林車站 記得以前傻傻搞唔清員林(Yuán lín) 同雲林(Yún lín) 既讀音; 買錯火車票。 現在來了一年 長知識了。 晚餐係聽朋友推薦 #三媽臭臭鍋 雖然是連鎖店台灣隨處可見 但勝在咩？勝在開得夜. 海鮮豆腐鍋 - 120 NTD (35 HKD) 份量尚可醫飽騎左一整日單車人既肚 吃到大概3-4片肉片,豆腐也好多塊，仲有冬粉，米糕同雞蛋等 食飽後附近酒店選擇不多 就豪一晚吧！(價錢... 就不提了) 而今晚竟然比我奇蹟地第一次遇上同係單車環島既同路人！ 單車環島洗衫係每晚必做的事，因為環島唔會拎太多衫 而咁好彩地比我係洗衣房撞到佢地 單車友A: Hi 你是來旅遊的嗎？(似乎奇怪我點解會出現係呢個小城） 我: 不是 我在單車環島 單車友A碌大雙眼望住我: 那麼巧，我們也是！ 之後就係洗衣房既半小時傾下今日到的人同事 我覺得旅行最開心的不過如此 - 分享大家的經歷 單車友A: 你是香港人？ 我: 對呀! 單車友B旁邊笑: 很明顯好不好？ 哈哈 原來香港人的口音 台灣人已經見慣不慣。 佢地一行4人都係從台北，出發走的都是山路 騎既係非一般山路車 從對話中聽得出有的經驗的車手... 打算到台南 雖然難得邀請我明天一起騎， 但明天路不同 怕耽誤佢地行程 所以謝過佢地就返房休息。 -> 想重溫第一日行程？按這裡. 今日騎乘路線 (Day2) ＝＝＝＝＝＝＝＝＝＝＝＝＝＝＝＝＝＝＝＝＝＝＝＝ 今日 Checklist （3/10）- 完整Checklist -> Facebook (Like 左keep住睇後續發展) 1) 第2日單車環島 2) 發掘第2樣台灣美食 (2 Taiwanese Food) 3) 探望一位台灣朋友 (Meet 1 Taiwanese Friend) 逆光中進發 不甘安置到盲點 上路去再實踐 <發現號>
