剛剛既農曆年小編就去左山形藏王浸下溫泉，滑下雪，順便睇下出名既樹冰， 在藏王滑雪場當地入住了溫泉酒店，但唔想日日食酒店餐，想試多d唔同既野，所以幾天以來都選擇了不包餐既plan， 平時d滑雪場都離市區有一段距離，起碼都要坐個幾鍾車， 但係藏王，去山形市只需20分鐘左右，所以搵食都好方便， 接落黎就要介紹一間平靚正既餐廳，重點係有100円既即開北海道生蠔食！ 餐廳離山形站好似都有d距離，自駕黎就最方便，門口就有免費自家停車場， 餐廳面積都夠大，人客不多，都係當地人居多，個人認為不需要預約 點擊圖片放大 餐廳主打樣樣食材都係來自北海道，包括蛋啊菜啊，全部產地直送，保證新鮮，食得放心 點擊圖片放大 小編就係俾門口既宣傳100円生蠔吸引左入黎，當然就要點生蠔啦， 唔食生蠔既，就咁睇個menu，好似都有得叫燒或蒸既黎食， 以下既menu仲有好多野食，可以俾大家參考下 點擊圖片放大 +7 點完菜，首先就會送餐前小食，係魚子蟹肉蛋 一開始未知生蠔質素如何，所以點了4個試試先， 一試後，鮮味無窮，好鮮甜，好正，100円一隻真係抵到爆！ 除左生蠔仲叫左刺身拼盤，吉列牛扒及清酒煮蛤， 印象較深刻既係吉列牛扒，旁邊有一燒熱左既石，可以俾你再煎熟小小塊扒，好"林"好有牛肉味 點擊圖片放大 +2 食完哂都最尾緊係再encore 生蠔，又平又好食，唔食對唔住自己啦 講左咁耐，餐廳係邊架？以下附上google map， 農家と漁師の台所 北海道レストラン山形店 〒990-2484 山形県山形市篭田３丁目９−25 +81 23-676-5700 自駕用gps未必可用電話直接search到餐廳，search旁邊既商店可能會幫助找到 集團仲有好多唔同既餐廳分佈係全國各地， 不過有無咁抵食既生蠔就唔知啦， 下次去開山形，大家不妨試下
