話說小編係上年11月就黎左過九州自駕環島遊， 搭港龍係福岡入同福岡出，是次飛行體驗可睇返， Flight Review - Cathay Dragon KA381 Fukuoka - Hong Kong Business Class (A333) + Fukuoka Lounge 今次九州環島遊，南九州既宮崎係其中一站， 作為一個芒果fans，去宮崎又點小得試下當地名物，大名鼎鼎既太陽之子， 但係小編真係天真，已經係冬季，但心諗日本應該有溫室生產既， 點知行過aeon，幾個超市加自駕途經賣生果既小店都係無既， 一場黎到，唔食過太陽之子係唔會死心， 最後終於俾小編搵到一個果園係有冷藏既太陽之子賣， 第日就即刻揸車出發果園 靠車既gps都帶到你去果園，唔太難揾， 果園位處都係鄉郊d，公共交通應該就難d去到啦 由於果園唔係咩旅遊點，小有遊客前往， 果園主人老伯伯同婆婆見到有客到都有小小surprise， 小編靠估咁估芒果既日文，讀咩小小，"芒果芒果芒果"咁， 伯伯又明白wor，好熱情咁招呼我地入去辦公室坐 好客既伯伯仲二話不說就拎左兩塊太陽之子俾我地試下， 大家就用有限既英文交流交流 海鮮同刺身十分新鮮，見到都流口水啦 夜晚返到酒店既宵夜就係食芒果啦， 冷凍左既芒果係解凍既過程中有唔同既口感， 剛開始既時候就好似雪條咁，冰凍中都feel到甜味， 到真正解凍後就超多汁，勁juicy，好甜， 由於係完熟關係，芒果皮都食得， 今次尋芒之旅真係不枉此行 點擊圖片放大 係到附上果園資料同google map 最後最後緊記緊記，大家前去時千萬要保持應有既禮貌， 始終個到唔係遊客景點，雖然人地歡迎參觀，但都唔好阻到人做野 伯伯熱情好客，但點都要識做啦，唔好貪小便宜，唔好做壞香港個朵
