去摩洛哥總小不了去沙漠既行程, 多數人會坐車由marrakech 或 fez 前往沙漠,好處係價錢平,時間較好就, 唔好既係車程太長,去程要8小時,回程又要8小時,諗起都幾辛苦, 唔想坐咁耐車既可以搭唯一既內陸機由casablanca 去最近沙漠既機場 errachidia,再坐2小時車前往沙漠, 聽落好似搭內陸機好d,但佢既時間好差,由casablanca 出發係夜晚十一點,落機都十二點, 而回程又係早上8點機,時間真係十分唔好洗,不過小編最後都係選擇坐飛機。 呢班唯一既內陸機由royal air maroc 營運,royal air maroc 可能近期先為人熟悉小小,皆因佢將會加入oneworld 既大家庭, 可能royal air maroc真係幾冷門,係網絡上只有國際航班既review,domestic既真係無乜, 連有無 lounge 用都唔知,官網又無講。 今次既體驗可以為即將去摩洛哥既朋友多個參考 domestic 航班係terminal 1 check in,商務有專屬既check in 隊, 問過地勤,原來係有lounge 用既,過了安檢後上一層就會搵到, 如果你係由國際線轉內陸線的話都一定會必經見到 門口附近放了一排座位, 之後就會見到一個好小型既reception, 簡單scan 過boarding pass就入得 基本上一眼可望得哂,座位唔多,晚上時候都差不多坐滿 食物方面得d面包,糕點等,無熱食提供, 飲品有咖啡,茶,果汁,汽水,至於酒類就無啦 點擊圖片放大 lounge 都有wifi 用,速度就普通啦 唔好期望有沖涼設備,廁所就連廁板都無 雖則個 lounge好似好差咁,不過係呢個咩都無既terminal (得間cafe,位又小) 黎講好過無啦 當日航班仲要delay,所以個 lounge 都有d 用 登機方面無為商務另外分開一條隊,見其他商務客衝去隊最前就照跟 今次坐既係細機無登機橋,要搭車前往, 航空公司有為商務客另設專屬小巴,算加返小小分 座位都係以2-2排列, 機前頭3排劃分為商務位, 同歐洲短途機一樣,商務既座位同經濟既係一樣, 係多個枕頭俾你挨下咁啦 點擊圖片放大 一早以選了1a 及1c,腳部空間會比後兩排多dd, 起飛後無餐食,不過都有杯果汁飲下 落機後無需再搭巴士去terminal, 因為機場好細,自己行過去就ok 今次坐後感係去程值得每人比多幾百買商務,回程就無需要, 因為去程係casablanca 有priority check in, lounge, 專屬巴士,多d行李額, 同埋最重要係, 唔知點解抵達後內陸機場都仲要check passport同過安檢,坐商務就可以優先慳好多時間, 至於回程個機場係無lounge,無priority check in,無優先安檢,只係到達casablanca有專屬巴士同多d行李額,個人覺得就唔值啦