摩洛哥之旅正式出發，先乘坐英航到倫敦再轉機往馬德里， 停留2天後再坐西班牙國家航空前往摩洛哥， 英航商務客位既硬件係業界眾所就知麻麻地， 不過近來係軟件上如床品及餐食都有些許改進，算係好過無， 英航係香港出發通常都係15,16號閘，用qantas lounge就最方便，睇見boarding 先去登機 是次機型係b777-300， 商務以2-4-2排列，全部都可平躺，不過唔係個個位都直通走廊， 商務都可排到一行8個位，諗個個真係聰明 今次選坐了中間的honeymoon seat，有同行人就最perfect， 但如果同唔識既一齊坐就怪怪地，因為坐位都幾窄，靠得好埋， 先前都提過唔係個個位都直通走廊，我們坐的中間位正是其中之一， 若坐走廊旁的人放下放腳位，我們便需跨過他出走廊，對於坐走廊旁的都幾打擾 呢款設計既位儲物空間都幾唔夠，只得一個櫃仔， 如果係坐窗口位會好d，會有多d儲物櫃 坐位都有提供usb及充電位， remote都係舊式設計 點擊圖片放大 +2 自家耳機質數普通 呢款位會同旁邊坐位好易對望到，都係個句唔識既你眼望我眼都怪怪地， 不過起飛後可較高屏風就會好d 先前都提及床品有所升級，就係選用了英國品牌 the white company， 每人一pack 的床品包含一床墊，一厚一薄的被， 另外過夜包都係同樣用the white company 點擊圖片放大 +2 坐定定後，空中爺爺都親切地派發 welcome drink 及 是日餐單 點擊圖片放大 起飛後再點了紅酒配合稍後的牛肉 頭盤方面同老虎點了不同的試試，分別是parma ham 及 red pepper soup，味道唔錯 主菜則點了同樣的牛，煮得剛剛好，好'林'好好味 最後上甜品都係幾好既 點擊圖片放大 +2 機上娛樂系統既戲算幾新，唔會無戲睇 廁所備品方面同樣選用the white company 食完一餐咁豐富既晚餐係時候眠一眠，座位平躺模式， 不過老虎覺得上半身位不是完全平躺，有些許微斜 同埋個位比其他航空的商務位真係窄d，平躺後兩隻手會有條條fing 既感覺，沒有足夠空間擺放 個位設計就好麻麻啦，不過過夜機點都訓到d，但唔算訓得好，有要求既老虎就訓唔到， 離落機個零鐘就上早餐， 去英國當然就有english breakfast ， 不過空中翻熱既就點都唔及地面既好食 去程就坐b777-300，回程就係坐空中巨無霸a380， 商務位分佈係上下層，上層以2-3-2排列，下層則以2-4-2排列， 同去程時坐位設計都係一樣，有平躺，但就唔係個個都直通走廊 雖然明知個位都係一樣，不過心理上就係覺得坐上層闊d 今次選了走廊位坐， a380既位同b777係一樣，不過a380始終新d保養好d設備新浄d 點擊圖片放大 電視屏幕都較清晰 至於其他床品及過夜包都同去程一樣是the white company 是日餐單，睇上去都幾吸引 點擊圖片放大 +2 頭盤點了beef carpaccio, 肉質方面不能同地面上比較，機上都不能做太生， 不過配上醬汁及配菜，整體口感滿意， 主菜要了牛頰肉，好'林'好好味， 成餐較為失色小小就係個甜品，不太合個人口味 點擊圖片放大 +2 都係降落前2小時左右上早餐， 都係english breakfast，以為今次英國廚房準備會好過去程， 不過口感一樣麻麻，可能隔太耐先再翻熱關係 總結餐食方面就一半一半，晚餐好食但早餐就麻麻， 英航空服人員服務唔錯，serve我們的空中爺爺及空中大隻佬都係英倫伸士風， 不過硬件上座位設計既不足，很難但靠空服人員及upgrade了的床品或餐食彌補， 買係歐洲出發特價的萬多元來回機票就尚可接受，但如果係買香港出發的要3萬幾，就真係no no 同 no 啦， 不過英航放里數獎勵位都算慷慨，如果想用里數換一家大細既機票去歐洲相信都係揀佢
