今次由胡志明市出發富國島係搭越南航空， 機程只是40分鐘，本身無太需要坐商務， 但由於唔係一早購票，理想時間航班經濟位同商務只差幾百， 一於俾多小小試下越南航空既內陸商務， 越南航空係胡志明市內陸terminal有一排專俾商務及飛行常客check in，位於c區 內陸terminal無商務乘客特快安檢，不過就咁排都唔係排好耐， 過了安檢後就到越南航空自家既 lotus lounge 等上機，可睇返 Lounge Review - Lotus Lounge Ho Chi Minh City Domestic Airport & CIP Lounge Phu Quoc Domestic Airport 今次乘搭既係a321客機，總其有16個商務座，以2-2方式排列，是日都係滿座既 點擊圖片放大 都係用一般窄體機既後仰加大型座位，可以挨後d闊d咁 點擊圖片放大 座位2旁係control，操作簡單， 都有一個位可以拉出黎放飲品 座位前方無個人電視，只得頭頂個個，不個40分鐘機程無咩所謂啦 餐桌收在座位扶手位中，不過今程機無野食，無機會用 雖則咁短途機，但起飛前一樣做足， 有welcome drink 及冷毛巾 頭先都提過呢班機係無餐食，不過起飛後都會有飲品提供， 基本上等空姐派完飲品，再收返都差唔多落機 落機後要搭巴士返去terminal， 不過商務乘客有專屬巴士， 16位乘客上齊就即開，無需再等候 去程既體驗就係到完結，現在簡單地講小小回程既體驗， 富國島機場一樣有商務專屬check in 櫃位 比胡志明市好既係有商務客快速安檢， 係之前都介紹左呢到用既cip lounge，不甚特別， 加上check in 同安檢都好快，預早1個至個半鐘前來機場便可 登機時都係搭商務專用的巴士， 抵達胡志明市時不同去程有登機橋，要搭巴士返terminal，不過都係有商務專用的。 整體感覺，越南航空內陸機雖則只是40分鐘，不過商務位既服務一樣做到足， 無論係專用巴士，lounge，空服既態度都好， 個人覺得只係俾多幾百係值回票價既，下次去越南唔同城市都會再選搭。 越南富國島之旅可睇返： 【越南・富國島 2018 新酒店】InterContinental Phu Quoc Long Beach Resort 【越南・富國島景點美食】全球最長跨海纜車・富國島監獄・夜市・地道大棑檔10蚊碟海鮮
