上一篇介紹完富國島洲際酒店， 【越南・富國島 2018 新酒店】InterContinental Phu Quoc Long Beach Resort 現在就介紹下周邊有咩景點同有咩食啦， 正如上一篇提及富國島仲係開發中，公共交通係到可以話係零既，基本上都係搭的士， 如果大家由酒店出發，可以在大門口叫職員幫手，酒店外面出期有的士等候， 這些都是正牌的士，vinasun 公司的，可留意正牌vinasun在車上是有gps，兼是按表收費， 如果想一日去好幾個景點，包的士就最方便，係到包的士唔需要講價，都係按表收費， 可能大家會問按表收費會唔會好貴？可以同大家講係一d都唔貴既， 小編有兩日都包的士去左唔同既地方(其實可以濃縮做一日)， 全程按表收費，係景點停留時都係照跳表的， 根據兩日既經驗，環繞左半個島，每次包車3-4個鐘到，大約只係800k－1,000k vnd，即2百幾3百幾hkd， 比起本地兩大k字頭旅遊平台包半日車package索價的5,6百蚊平了差不多一倍， 所以無需一早預訂包車，隨心起行叫的士就ok 酒店職員會詢問我們想去邊，在卡上以順路次序寫上越南文，唔怕同的士司機溝通唔到 首先介紹全球最長跨海纜車，呢個纜車係通往遲些開幕既樂園既， 現時樂園尚在興建中，所以纜車票價都係特價發售，300k vnd約100hkd來回， 雖然無得去樂園玩，不過用100蚊就可以坐全球最長跨海纜車係幾抵既 中午有一小時係暫停營運，所以就去旁邊餐廳食小小野，係呢到景色都唔錯 點擊圖片放大 +2 上車啦，由於無咩人既關係，除去程同兩個人share一卡外，回程時都係自己包左一卡，鐘意點影相都得， 此纜車長約7.9公里，一程需時5-10分鐘 點擊圖片放大 +3 落車後就會坐接駁車去海灘，算係不錯既海灘，不過同洲際當然沒得比，所以都無係到停留 點擊圖片放大 +2 離纜車不遠，就有另外一個景點，富國島監獄， 呢到係免費入場，有不小公仔展示以前既情況，可以睇得出悲慘既歷史， 其中仲有男士見到都心寒既燒下體酷刑， 係一個值得來的景點 胡椒園，可以係到買下手信，影下相 魚露廠，係可以skip既景點 當地酒sim wine商店，可以試下之後買，不過又係無咩特別既景點 點擊圖片放大 +2 當地Ham Ninh Fishing Village 食飯，價錢平又新鮮 點擊圖片放大 日頭行完景點，夜晚就去夜市行下，離洲際酒店約15分鐘車程，需200k vnd左右，約60幾hkd， 夜市就無泰國d咁大，鋪頭都係多賣下花生同埋餐廳 點擊圖片放大 之後就㨂左間識中文既黎試下，叫左好幾款海鮮， 推介燒蝦，象拔蚌仔幾鮮味，2個人成餐又飲又食都只係食左約300hkd 點擊圖片放大 +3 黎左富國島幾日，除左夜市同酒店食，都想試下其他餐廳， 係去夜市既沿路其實都見有不小大排檔，有唔小當地人食， 我地就選了其中一間，招牌寫住有30k 海鮮，即約10hkd 點擊圖片放大 詳細地址 Quan Oc Binh Dan 113 Trần Hưng Đạo, Dương Tơ, Phú Quốc, tỉnh Kiên Giang 92000越南 +84 368 403 659 menu 明碼實價，好多海鮮都係10蚊碟，雖然size就唔大，不過兩個人就可以試多d款 老闆識英文，溝通方面沒問題 點擊圖片放大 +3 食完第一round 後又再叫多一round海鮮， 不過只係食海鮮就唔係好夠飽，見當地人食打邊爐咁正，又叫多個試下，個湯底又唔錯 食左好多，飲左好多，好飽，最後只係650k vnd，約220hkd 富國島仲有其他景點，包括有動物園，mud bath，出島浮潛等等， 總結唔算有太多行程，好多仲係興建中，幾年後黎可能又會有唔同既體驗， 係富國島留係酒店時間會比較多，所以㨂酒店係好重要
