今年農曆新年去了一轉長野滑雪加浸溫泉，由於與情人節只相隔數天，便順道一起慶祝， 情人節當天安排了長野地獄谷野猿公苑這一景點，相信好多人都不陌生，就係睇雪猴浸溫泉 選好了景點，當然要搵返間好既溫泉酒店黎個一泊兩食嘆一嘆，慶祝一番， 自駕的關係，通常都不太會留意酒店確實位置在那，大概知在長野便可以了， 不過無心插柳，今次住宿的酒店便正正在野猿公苑入口附近，方便了不小， 車泊在酒店停車場更省卻了野猿公苑停車場的費用 到達酒店門口便有3,4個職員幫手拎行李， 入屋記住要除鞋換拖鞋啊 酒店lobby小巧，不過很精緻，混合了日式和洋式風味， 酒店總共只有8間客室，全部均設私人露天風呂，並且是溫泉源泉掛流的， 今次住宿的是遊季亭客室，面積有54平米，一泊兩食連稅 45360yen，當食個情人節大餐都相當抵 點擊圖片放大 +2 位於lobby旁的小酒吧，晚上來飲一杯十分有情調的 check in很順暢，簡單填個資料便帶往房間，所有行李已一早安放在房間了， 房間都係採和洋式設計，附有露台，露台面積都有11平米，客房空間不錯， 房內所有設施及裝修都好新，有50多寸大電視， panasonic的按摩椅，simmons的床 露台外望樹林景色，不過天氣咁凍結都唔會坐係出面 浴室及風呂，溫泉水亦已一早準備好，隨時浸得 點擊圖片放大 享用完溫泉後，便差不多時候食晚餐， 晚餐係個室形式，私密感十足， 先黎睇睇今日menu有咩食 一開始已看到菜式相當豐富，刺生除左有魚生外仲有馬肉刺生， 牛肉方面則採用當地既信州牛，十分好味的 菜式當然唔會只得咁小，陸續有黎啊， 點了當地志賀高原啤酒啤一啤，一路嘆美食 點擊圖片放大 +4 食埋甜品終於食完，幾怕佢仲拎野食黎，呢餐情人節大餐真係相當豐富，相當飽 住係到仲包每人係lobby bar到一杯飲品，食完飯黎飲一杯，聽聽音樂很relax的 抱歉小編無影到早餐，不過可以講邊有人食咁多野做早餐架，真係好豐富，搞到小編食唔哂都有d唔好意思 酒店check out時間為11時，食完早餐仲可以浸下溫泉嘆一嘆先check out，臨走時更送上當地七味粉做手信 總括呢間溫泉酒店十分唔錯，無論裝修，服務，食物，地點都好好， 唯一可挑剔既係溫泉水不夠滑，泉質不算特別好，不過都好過一般商務酒店， 建議住宿行程可以係，下午check in 後到野猿公苑行行影下雪猴，再回酒店嘆溫泉食晚飯，第二朝11點check out， 咁就不失玩樂與優閒並重 以下為地獄谷野猿公苑介紹， 酒店旁便有大型路牌指往野猿公苑方向， 距離野猿公苑仲有1.8km，不過呢個已經係車行差不多最盡既點，要去睇雪猴就一定要行 過了商店及一間餐廳後就正式既行程啦，需則係要行個幾公里， 不過地面都平坦，唔太辛苦，唔多運動既都行到 途經一間溫泉旅館，係到可以有機會同雪猴一齊浸溫泉， 不過都好大機會成為遊客既景點，因走行路會望到浴池的 慢行半小時就到入口，入場費一般成人800yen 點擊圖片放大 入場後，看見好多可愛既雪猴，同平時個d馬騮有d唔同，雪猴體型較小，較長毛， d雪猴係到幾嘆，睇佢地浸溫泉自己都想浸啊
