Flight Review - Fiji Airways FJ392 Hong Kong - Nadi Business Class (A332) 斐濟 亞薩瓦群島 跳島行 Fiji Yasawa Islands - 交通篇 Hotel Review - Paradise Cove Resort Fiji 房間設施篇 Hotel Review - Paradise Cove Resort Fiji 餐飲篇 今次亞薩瓦群島跳島行第2間住宿既酒店就係 Mantaray Island Resort， 酒店星級方面個人覺得只屬3星左右，酒店同時設有hostel床位方便背包客，是亞薩瓦群島best hostel的得主， 無論是餐飲，酒店設施都是Paradise Cove Resort較好，為何會從較高級的Paradise Cove Resort跳到這？ 老實就若果只係嘆靚酒店既，可以不用來fiji，外面有更多好選擇， 黎得fiji當然係想親近海洋世界，fiji 除左有出名既同鯊魚游水，係呢到仲有得同魔鬼魚游水， Mantaray Island Resort就如其名，魔鬼魚經常出沒係呢個島附近， 同魔鬼魚游水要既準備比同鯊魚游水小得多，只要識游水，有蛙鞋浮潛用具就ok， 如果因種種原因例如唔夠時間同鯊魚游水，都可以試試同魔鬼魚游水 點擊圖片放大 工作人員唱斐濟歌曲迎送我哋然後就坐接駁快艇上大船離開， 由paradise cove去mantaray island 非常近只需5分鐘， 呢度我地會一樣住4日3夜， 到島後工作人員幫我地搬行李（有好多個大隻佬啊）， 我哋四個人六件行李對佢嚟講完全冇投訴 點擊圖片放大 +3 酒店lobby, bar及預訂活動既屋仔 送上welcome drink，同時有人解說島上設施， 話明魔鬼魚島就梗係希望睇到魔鬼魚啦 ， 工作人員說如果發現有魔鬼魚出沒，就會打鑼打鼓咁然後一齊出發， 之後就要極速去到lobby集合出海追魔鬼魚， 工作人員一早已準備好房間，好快就入得房 點擊圖片放大 +4 今次住既係全島最高級既客房， beachfront villa， 屋外有daybed及 sun lounger ，屋內面積都幾大， 有電視及雪櫃，不過電視只可看預先錄影既節目 點擊圖片放大 +2 廁所浴室都係採開放式設計，如廁都■順d，lol 夜晚沖涼仲格外有情調 villa外有吊床，吹吹海風幾寫意 跟住睇睇食方面啦， 呢到食用費都係硬性規定的， 每人每日$99 斐濟幣即是大約乘4=400港幣一日， 比paradise cove平一般，質素係點即刻睇睇 點擊圖片放大 +2 一日3餐都會係主餐廳到解決，位於島上小山丘上，個view都幾唔錯 先睇下lunch有咩食，lunch可選一款主菜 點擊圖片放大 +3 至於晚餐有時有3 course 既set，有時則係buffet 點擊圖片放大 +3 早餐都係buffet形式，即場煎蛋都有供應 食物方面一定無paradise cove咁正，不過400hkd一日不過不失啦， 餐廳入口設有告示板今日有咩做 除左主餐廳外，下午4:30-6:30可以係bar旁邊自費order pizza 鐘意潛水既，尼到都有dive shop 黎呢到緊係玩下水，呢到就咁行出沙灘浮潛已經好靚， 浮潛質素比起paradise cove好好多，有片可以睇 點擊圖片放大 +2 係呢到重頭劇當然係追魔鬼魚啦，正當我地都擔心會唔會同魔鬼魚無緣， 就有人打鑼打鼓叫人集合啦， 追魔鬼魚係自費項目，約40fjd一人約160hkd， 其寶追魔鬼魚都幾需要體力，因為魔鬼魚係不停游， 所以你都係要不停游追住佢，好似渡海泳， 不個好在我地都可以近距離影到三條Manteray ，超大條大這人咁滯，可睇片 呢個海域啲水比較混濁，但聽講魔鬼魚係專食浮游生物，所以水越渾濁見到嘅機會越大 [embed]https://www.youtube.com/watch?v=wL4qwzBcYhc[/embed] 仲有呢到日日有唔同嘅免費活動，例如織手繩，沙灘排球，織藤籃，fijian dance,等等， 以下係織藤籃，員工有心機咁教點樣織， 好可惜我地學極都唔識，最後都係員工親自織左個 點擊圖片放大 織手繩同頸繩 睇見老虎同老虎媽學極都唔識， 所以就職左一條送俾老虎， 點擊圖片放大 Fijian dance會係星期五晚上進行 成個島既員工就會出晒嚟一齊唱歌跳舞非常開心 除左免費活動，仲有自費去釣魚， 自問唔係啲咩釣魚高手，戰果係我釣到2條魚毛，老虎就 0條，老虎媽釣到一條唔知咩魚，老虎爸都釣到一條魚毛 不過釣到既佢地全部都唔要，話唔食得有雪茄毒， 即使船長釣到條東星班都唔食得 如忘記帶日用品，呢到reception office都有小許可買 臨走時會有員工出來唱歡送歌， 總結， 優點係多活動大多BOOK完即日就有得玩，有得追魔鬼魚，beach villa 沙灘對出嘅浮潛已經係非常之靚 缺點係野食普普通通，同埋我地住既beach villa因好近lobby同bar，好多背包客晚上都會出來飲酒同hea，音樂同講話聲都會較嘈
