昨日韓亞航空日既優惠, 韓亞航空 首爾 商務來回連稅 5419 起!農歷新年出發只係比多經濟位170蚊! 引起左好多朋友既關注,當中對邊隻型號客機有新款商務艙較為熱心, 雖然以香港-首爾這約4小時航程黎講,一個斜躺商務位都足夠可接受, 不過都係俾緊同樣既價錢,緊係想要最好, 但係以現時個schedule,配備新款商務艙既航班真的很小, 理想出發日期無新款商務艙既航班點算呢, 唔洗失望既,小編就教大家 揀位貼士 買商務坐頭得 我地先睇下韓亞航空新款同舊款商務艙 以下係新款的,可平躺,私隱度亦較高, 設於A380-800,A350-900及B777-200ER型號客機上 以下係舊款的,斜躺,無咩私隱度, 設於B747,B767,A330及A321型號客機上 好明顯舊款既真的俾比下去, 不過唔洗失望既, 因為可以揀頭等黎坐! 以下係747型號客機上既頭等艙,雖然都係舊款頭等艙設計,不過點都好過商務艙啦, 點解小編會話可以㨂坐頭等呢, 其實韓亞航空香港-首爾呢條航線已經無再賣頭等艙, 可見下圖如果選擇購買頭等艙係咩都無既 但香港-首爾線係仲有配備頭等艙既客機執飛, 如機型b744及b74e 便是747設有頭等艙, 同好多航空公司一樣,如果該航線無賣頭等艙但係又設有頭等艙的話, 都會俾商務艙既乘客㨂黎坐,韓亞亦一樣 b744型號座位圖, 設有10個頭等位及45個商務位 b74e型號座位圖, 設有10個頭等位及24個商務位 所以如果無新型號客機選擇時,可選擇747型號, 完成購買後再致電韓亞 2523 8585劃位, 同客服人員講你想坐頭等艙位置就ok 不過大家要注意返,假若當天商務艙唔太full的話, 有可能會不開放頭等艙區域,就算揀左頭等艙座位亦會調回至商務艙 同埋就算坐到頭等艙,一切服務標準都係會跟返商務艙的,包括check in, lounge,餐食等等 小編黎緊都會坐韓亞,都幫自己劃左位, 如果大家見到有個人不停影相,個個可能就係小編黎啦