香港去布吉直航提供商務艙既有港龍同泰航, 由於唔想太早起,最後選擇左10點幾起飛既泰航, 泰航check in位於 t2,唔好以為 t2 得廉航,都有傳統航空架, business class 櫃位有3個,唔洗排好快就check到in 係 t2 出境後搭無人列車直去40號閘口附近既泰航及聯合航空lounge Lounge Review - Thai Royal Orchid Lounge Hong Kong Lounge Review - United Club Hong Kong 登機閘口係35號,離泰航或聯合航空lounge都好近 有分商務及經濟登機橋,唔需再係機門前排隊 泰航a330區域型商務艙以2-2-2方式排列, 第一眼感覺與前座座距唔算多,空間有點窄, 若坐係靠窗位需要去廁所會稍微麻煩到鄰座乘客, 坐下後不久便派發welcome drink,要了champagne 若果同鄰座乘客係唔識既都可以拉開屏風,增加小小私隱度 座位control,閱讀燈及電插位, 未見有usb插位,如果想叉電既記得帶埋插頭 點擊圖片放大 自家headphone,就咁睇品質好像不錯,不過用落聽到沙聲 另外會有以下用品提供, 不過唔知係唔係樣樣都有, 好似拖鞋當日就剛剛無 機上娛樂系統既電影都尚算新, 不過硬件方面如screen及control就比較舊式, screen既清式度係非常低 睇下是日餐單有咩食 點擊圖片放大 再睇睇酒水方面選擇都ok 點擊圖片放大 上餐會分頭盤,主菜,甜品遂項上, 頭盤同甜品算唔錯,唯獨是主菜有點強差人意, 無論味道及擺盤,感覺同經濟的別無他樣 點擊圖片放大 廁所有提供body lotion及香水 食飽後便打算小睡一陣, 座位不能平躺,亦不能打斜平躺, 下圖座位已經係較到最盡, 不過港龍既商務艙都係差唔多, 所以座位方面搭港龍同泰航不大分別 點擊圖片放大 布吉機場新terminal已經啟用, 去之前都留意過好多人話要好耐先入到境, 由於布吉唔似曼谷有premium lane, 開頭都擔心入境要等好耐,一落機就急步去過關, 不過商務艙乘客優先落機,去到過關都無咩人排隊, 連埋拎行李唔洗半個鐘就搞掂