差不多黎到旅程既尾聲,亦都係美食之旅既重頭戲 今日我哋成日既行程都會係金澤 第一個行程當然唔小得老虎食早餐啦 就係近江町市場魚市場開餐啦 由酒店出發車程唔洗一個鐘就到啦 點擊圖片放大 +3 市場內人頭湧湧 一開波掃下街先啦 黎到呢間鋪,可以立食,就係到食隻生蠔同海膽啦 好新鮮又勁大隻兼唔會呃你,老闆見開個隻蠔唔夠大隻就開多隻俾個你 點擊圖片放大 +2 掃街只可以俾老虎浪下口,點會飽 是但入一間再食過 叫左刺身,蟹肉丼丼飯同d熱食 點擊圖片放大 市場見到有松茸賣 點解唔似我地係酒店夾個d既 越前蟹每年11月6號先開結解禁,想去食既要留意日期啦 網上好多人都推介去比較方便去到既三國港既蟹之坊到食, 不過聽聞年年加價,今年好似上到2萬幾yen一個set, 都係渣車直接去越前食好 去到越前既道之駅,好多日本人都黎買蟹 370000一隻蟹都有得賣 點擊圖片放大 其實係越前有唔小食蟹既餐廳 我地求其入左間,價錢比起其他網上blog介紹既都平好多 呢間仲有得用信用卡,唔係間間餐廳都用到架,黎越前食蟹記住帶多d cash啊 點擊圖片放大 +4 點左兩份 15000 yen既set 先黎頭盤剌身 蟹剌身食落口又無咩味,不過係新鮮既 點擊圖片放大 再黎燒蟹 最後一道用水煮 有越前蟹標記方為正貨 點擊圖片放大 +2 係呢到我地犯左一個好大既錯誤,以為見到2個蟹蓋個set就食完 實情只不過係黎左一隻,仲有第二隻架,兩隻都好大隻 食到勁飽,正所謂小食多滋味多食就壞肚皮 同老虎由原本既享受變成無感覺,最後仲要打包 建議大家2人share一set就咩到夠啦 詳盡遊記 2016 昇龍道秋日紅葉美食8天之旅 上 2016 昇龍道秋日紅葉美食8天之旅 中 2016 昇龍道秋日紅葉美食8天之旅 下