香港航空自家主場lounge club bauhinia位於閘口23及25之間 離出境步行不遠,不過現時港航大部份登機閘口已轉向2xx號閘,需要搭無人列車,要預返d時間去登機 lounge 空間對比國泰當然小很多,約容納百多人左右 夜晚出發比較小人用感覺都幾舒適,唔知朝早出發會點 lounge 入面亦都有mac機供應用 睇下酒水area先 有一般紅,白酒,sparkling wine及其他烈酒 果汁汽水啤酒咖啡茶都有 熟食當日有蕃薯糖水,中式湯,蝦蛟,粉面,咖喱,煎炸野等等 當然仲有即煮面,選擇有車仔面,雲吞面,辛辣面等等,另外有小食有生菜魚肉 點擊圖片放大 拎左杯sparkling wine同小小野食去入口附近既sofa坐, 呢到sofa都幾高身,感覺幾private,又可望到飛機停泊 過左成日都成身汗,諗住舒舒服服咁上機,所以一早係reception預約左沖涼房 呢到男女各一沖涼房係要預約,不過又唔見多人用,每次都係等幾分鐘就用得 沖涼房係廁所入面 乾淨企理,一般要用既都齊備 仲有香港航空拖鞋,著落都幾舒服 點擊圖片放大 +2 總括黎講呢個lounge 麻雀雖小 五臟俱全,食物都幾啱香港人口味 期待2xx號閘口附近新既香港航空lounge,應該會比現時更大更正