卡塔爾航空昨天於ITB Berlin發布了全新商務艙設計 'Qsuites'， 卡塔爾 CEO Akbar Al Baker 於2年前曾經講過佢地將會推出一款全新既商務艙，足以淘汰現時既頭等艙， 到底得唔得呢，即刻睇睇 以圖所見，與現時商務艙最大之分別為增加了躺門，私隱度大增， 如果4人一同乘搭仲可以打開中間之躺門面對面（真係打牌鋤d都得，不過最好唔好啦lol） 至於2人乘搭的話，某些座位更可將座位調較成雙人床 座位使用色調及設計十分優雅， 個人電視尺寸亦很大 單人靠窗座位除了加左躺門多了私隱度外，便與現時商務位沒多大分別 直播現場展示4人qsuites，係空中4人一圍食飯感覺都幾特別 Video: Introducing Qsuite - Qatar Airways New Business Class 至於幾時先有得坐qsuite？ 第一班配備qsuite既客機將會係777-300er，於今年6月由多哈飛往倫敦， 之後777s及a350s客機亦會逐步更換至qsuites， 而787s及a380s將會安裝另一小改款既qsuite， 所有客機預計明年就會安裝好qsuites Video : Take a 360 Tour of Qsuite - Qatar Airways New Business Class 睇完新設計，個人覺得未至於另人wow一聲十分驚喜， 只是將 Solstys Style Staggered Seat 加以改良detail位， 不過好肯定呢款設計一定係現時最好既商務艙，起碼多d私隱先， 至於可唔可以取代頭等艙就尚有疑問， 以客人角度無論座位大小，餐飲及服務商務艙離頭等艙仲有段距離， 不過相信航空公司將會逐漸刪減頭等艙， 人一生物一生，仲想試頭等艙既就要快手啦
