相信唔小去首爾或東京既人都聽過埃塞俄比亞航空， 埃塞俄比亞航空經營第5航權飛呢兩條線，性價比十分高， 但好多人一聽個名就會有好多疑問，有無野食架？安唔安全架？ 其實作為星空聯盟成員之一加上用787夢幻客機，質數都有保證 今次小編係年29出發去首爾， 埃航去首爾既機型同去東京一樣都係用787， 搭埃航去東京既朋友都可以參考今次飛行報告 埃航於香港check in位於g區， check in時發生小插曲， 由於小編會去滑雪，帶左私伙滑雪板， 平時只要唔過重量／件數，航空公司都唔會再額外收錢， so far搭過國泰，港龍，芬蘭航空，瑞士航空，印度航空都唔收， 但今次埃航竟然要額外再收，相信下次再滑雪的話唔會再搭埃航 埃航係香港有得用港航lounge， 不過身為星盟成員係香港仲可以用singapore, thai或united既lounge， 而當日就選左最就腳既星航lounge，可重溫 Lounge Review - Singapore Airlines SilverKris Lounge Hong Kong 登機閘口位於24號，好近好方便， 亦正正係港航lounge對面， 所以見未boarding就再入港航lounge hea下 埃航787客機一共有24個商務位，以2-2-2方式排列 埃航其實仲有一款787客機係平躺座位， 不過飛東京同首爾就係呢款standard forward facing既angle flat seat， 雖則無得全平躺，不過飛短途已很足夠， 估唔到既係年29竟然無乜人，連我同老虎大人只有6位商務客 點擊圖片放大 787 客機其中一樣特別之處係無左傳統個隻window shades，而係用光學調較光暗 座位control，電視control，閱讀燈都設於座位側， 亦有配備電插及usb插 點擊圖片放大 +2 headphone質數一般 短途線都有過夜包 welcome drink有champagne提供 埃航無酒水及餐食menu派發， 不過一般酒類都有供應， champagne係呢隻牌子 起飛後不久便上餐， 頭盤同主菜一起上， 點了雞肉意粉，賣相一般，不過食落唔錯， 反而橙汁係鮮榨既幾有驚喜 食過主菜後，空姐就推卡車出黎， 可自選生果，芝士及甜品 廁所有提供保濕用品 座位斜躺模式，影得較差，其實訓落都ok架，都幾接近平躺 所有人用餐過後，機艙燈光較暗， 睇套戲訓一陣就到首爾啦 總括而言，埃航性價比高，大時大節都唔會特別加價， 如果唔帶滑雪板的話，都可考慮再乘搭
