一聽意大利 米蘭 佛羅倫斯自然聯想起名牌,同埋超抵既outlet, 相信男同女既到都會心跳加速, 女既戰意高昂,男既一步一驚心 lol 今次同老虎大人決戰左4個outlet,2個係米蘭,2個係佛羅倫斯, 以下就有小小分享同退稅心得 第一站係佛羅倫斯既space outlet, 呢個outlet係賣prada 同 miu miu 為主, outlet比夠偏,如果唔係自駕建議join local tour 係門口拎張飛仔,如果有睇中d咩就同sales講返個number, 到埋單個時拎張飛仔去收銀就有人拎返你睇中既出黎 點擊圖片放大 +2 款式都多,價錢約正價3,4折左右 下一站就都係佛羅倫斯既outelt,大名鼎鼎既the mall 係佛羅倫斯有巴士到,可以見到一車一車既人前來購物,非常熱鬧 the mall 官網 點擊圖片放大 the mall 聚集左不小一線品牌,女士係呢個時候應該進入忘我境界架啦, 呢到都有prada,如果頭先spcae太唔就腳,可以黎呢到就夠, the mall parda d款同space 都係差不多,價錢都係一樣 價錢方面,可多問店員仲有無extra discount, 好多時價錢牌未必update得切,問下可能有驚喜有折上折 點擊圖片放大 女士們至愛既roger vivier鞋,係tods鋪頭入面有得買, 價錢為正價2,3折左右,老虎大人買得幾開心 由朝行到黑都未行完,要第日返黎再搏殺過 the mall部分戰利品, 當中有小編奉上老虎大人的fendi包包, 黎呢到唔買個包包都唔洗旨意逃出虎口,lol 不過呢到小編都有份既,哈哈 行完佛羅倫斯本身你再編排outlet既行程 但由於佛羅倫斯去米蘭都有段距離,就咁岩搵左個outlet做中途站, fidenza village位於米蘭約一小時車程, 交通可睇fidenza village官網 點擊圖片放大 黎呢到記得去tourist centre拎返張外國遊客先有既discount卡, 不過留意返部分店鋪sale貨品不設再折,買之前最好問問店員, 呢個outlet最值得買係duvetica 羽絨,香港閒閒地做緊幾千蚊件,呢到折上折加退稅只需千幾蚊, 同the mall一樣,問多句有無extra discount可能有驚喜架 去完第3個outlet就搞成咁 最後一個去既係Serravalle Designer Outlet, 離米蘭都係一個鐘車,見無咩做就黎行下啦, 交通可睇官網 唔知係咪之前3個outlet已買到夠既關係,係呢個outlet一樣都無買到, 都算一年好事黎既 今次黎意大利一共行左4個outlet,其實仲有唔小outlet未行, 不過行哂d大路品牌既outlet都算啦, 個人認為最值得同一定要去既係佛羅倫斯既the mall, 皆因一線品牌夠哂集中,交通方面唔自駕搭巴士都方便, 其他d outlet就有時間先去都得,唔去都唔太可惜 分享完outlet,係時候講下退稅, 係意大利有3間退稅公司, 分別有global blue, premier tax free及tax refund, 3間都無咩大分別,都係退12-12.5%左右, 留意返要買滿155eur先有得退, 退稅可選擇退信用卡或拎現金, 退現金可即場拎不過會扣手續費約3 eur,退信用卡的話需時1-2星期, 市區或outlet都設有如上圖既tax refund office,呢d通常只有退現金, 係到退既唯一好處係可以即刻拎返d 錢再搏殺過, 去到機場一樣要排隊吸印同交form,如果唔吸返印同交form會係你信用卡到扣返錢 global blue 既tax refund form,買530eur 可退66 eur,約12.5% 右下角個長方形格仔係吸海關印,無印就無稅退 位於milan malpensa 機場既退稅櫃位,3間退稅公司都係哂到, 當中global blue係最多人排,建議最小早4小時到機場搞退稅, 退稅時需準備定e-ticket同埋d tax refund form, 如果你唔係買太多係呢到會幫你吸埋海關印, 若買太多可能就要到海關俾佢check check先, 係呢到可選退現金或信用卡,同樣退現金一樣要手續費, 基本上無咩大問題,收左你張form問你退現金定信用卡就會俾返張receipt你, 建議keep 低 receipt有咩事都有得追, 成個過程好簡單,但如果買得多野,好似我地都要搞成個鐘,所以都係早到機場有著數