雖然加入航空界既資歷尚淺 但係非常明白而且認同一樣野就係:病左,千祈唔好上機 除左自己本人會深受航程期間永久鼻塞口乾加ear block痛到耳仔就爆下省一萬字既痛苦之外 其實病住黎上機,不論你係菇定乘客 都係一個好無公德心既行為 有時我都體諒有d乘客可能因為tight schedule或者特別原因一定要take個班機 但大家要明白既係 機艙係一個完全密封既空間 所有空氣都只係經中央系統流通 所以你吸黎吸去其實都係個咋空氣 一旦有病毒細菌係裡面 係傳播性極高 好有可能就係一個人帶病 就惹到成班機既人都有事 另外一樣我地菇們好怕既就係 由於機艙環境乾燥 加上氣壓 好多時候好多病都會變嚴重左,甚至引發你自己都唔知既隱疾 要call落地下醫療專線既medical case 一年都唔知有幾多單 話說試過飛一班長途機 都要飛成10-11個鐘 同事係boarding既時候已經見到有個中國藉既中年女人面青口唇白行入黎 於是就行埋去問佢咩事 佢先話自己病得幾嚴重個心口有d翳 但係聲稱自己飛到 我地問佢有無醫生信證明佢係可以飛到 佢話無 於是我地就話要offload佢 因為以佢呢個狀態唔適合長途飛行 原本佢一直都係合埋對眼氣若游絲懶理我地咁款 但係黎到呢度 佢開始黎料啦! 先係開始話我地好煩佢佢而家係一家大細參加旅行團去旅行好不開心 而家我地就唔俾佢飛攪到佢無得去旅行有乜有7 跟住!無啦啦自己係個包包度摷左兩粒疑似救心既老泥丸含左入口 然後就話呢d係醫生處方架可唔可以都當係有醫生紙咁wor 傻的嗎?老泥丸呢d我係位元堂都有得賣啦! 於是我地好義正辭嚴咁話:真係唔得。 最後事情越攪越大 佢d團友見遲遲未飛得 人總是自私的 見你阻住地球轉 都開始鼓燥 紛紛叫個女乘客走 而因為好多好多工作人員(菇們,ground staff, 機場security)圍係個乘客身邊 有d團友就開始八卦mode on 舉機影相甚至拍埋video (其實好多時真心唔明內地乘客既影相位係邊) 最後要出動到偉大既機長 親自落到黎cabin「邀請」佢走 佢先肯落機-.- 成件事除左反映某d乘客真係好夾硬黎好自私之外 更反映到菇們係呢d危機上既重要性 真心好感激呢位咁observant既同事 如果唔係佢 我地班同事workload加重不得止 個客有咩冬瓜豆腐 一閂埋機門飛左上去就係我地自己攪掂 到時就更加麻煩~ 所以,奉獻各位 真係唔好諗住有病都照上機 就算博到大霧過左ground staff俾你入到機艙 如果真係發現你係not fit to fly, 真係可以請你離開機艙架! 所以, 請大家除左flight前 都要經常keep住健康!