如果要問我最鍾意飛邊既話 其中一個答案一定會係美國！！ 雖然飛行時間每次都會過12小時 但係去到之後瘋狂購物你就會覺得抵返哂！（笑） 早排非人飛左去Boston 而且停留時間超長 又係將所有人工駛到一乾二淨既時候！！ 首先講下菇們去到outport永恆必到之處：supermarket 每次去親美國一定去target 貪佢夠大間之餘亦都有位泊車 買幾多都唔怕（笑） 而每次去親target我都必掃洗頭水護髮素等日用品 因為真係又平又大枝又好用！！ OGX係我必敗item之一！！！（心心眼） 佢地既Renewing Argan Oil of Morocco系列係100%美國製造 成份天然有機 而且仲獲得2014年新西蘭洗髮及護髮大獎 （拍手掌） 摩洛哥堅果油可以滋潤和強化髮絲 岩哂頭髮乾旱既sis!! 呢隻洗頭水係唔會起太多泡 證明無落好多起泡劑 而且洗完之後香噴噴～～ 重點係：超級平！！只需要6蚊美金！！！！仲要大大枝兼天然健康～ 而下面隻MoroccanOil我就係第一次買黎用 之前一直用開韓國千頌依個隻 但相比起佢 MoroccanOil就會滑d同潤d:) 都幾好用 我習慣洗頭後及捲髮前用 但係價錢就唔平 呢枝細細枝都要成17蚊美金！（肉痛！） 而且只要專業Salon先有得買 supermarket係搵佢唔到的～ 另外係美國我會買既野就係Candles啦！ 一般我會幫襯Yankee或者Bath＆Body Works 今次就買左Bath＆Body Works 因為做緊discount heehee~(女人嘛) 呢次買左蠟燭仔同埋大量room spray room spray 既包裝真係超級靚！！做手信都可以～ 另外我黎親美國 使得最多錢既地方 一定係Sephora！！！！ 我去親邊度既Sephora都可以買到野返去 美國更甚！！ 等我推介大家係Sephora有邊幾隻brand可以mark實！ 第一個我大推既就係我愛牌－Fresh！ 佢地包裝超靚之餘 價錢都平過香港專門店 而我至愛既Sugar Lipstick 都賣得平過香港！ 而Fresh既皇牌就當然係呢隻玫瑰Mask啦～ 個個crew飛完之後用佢都話覺得皮膚即刻變返水噹噹有返光澤 不過價錢就會比較貴～ 而First Aid Beauty都係我另一個會留意既brand 因為佢成日都出優惠set裝 真係好抵！ 另外Hourglass都係近期美國化妝界同blogger新寵 因為連Madonna大推佢！ 試過佢地既皇牌產品Mineral Primer係手 的確係有自然珠光得黎非常matte!!!上鏡影相一流唔驚出油！～ 而我今次既斬獲就有BareMinerals既Blemish Remedy~ 可以for返夏天用 而且只要上少少已經好matte 全日用超控油！！ 而且Blemish Remedy 係礦物粉加上抗炎 即使你係痘痘肌都可以放心使用！真係夏天恩物！ 而另一樣真係要隆重介紹啦！ 近排Sephora賣得好勁既MakeUp Eraser！ 係號稱只用水加布都可以將防水妝卸得乾乾淨淨！！！ 佢有兩面既 巾面纖維較短，主要作卸妝用途， 巾底纖維較長則可以在卸妝後去除角質 其實佢纖維好幼細 同埋摸上手都好舒服既 黎做個測試啦！ 我用左防水眼線液，eyeshadow同粉底搽左上手 之後淨係加水 再抹！ 捽兩捽就無左啦～～ 證明呢個淨用水卸妝既方法係work既！ 但係我本人自己都會先用卸妝油先落妝 先再用呢個毛巾抹 因為卸妝真係少d功夫都唔得！ 另外 美國仲有好多shopping聖地例如Outlets, primark等等 好多衫都只係幾蚊美金就有交易！！ 去前不妨去premium outlets既網站先睇睇 download定pass 可能會有更多優惠tim架！ http://www.simon.com/premium-outlets ♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥ 歡迎邀稿，試用及合作 Email: flying.trapeze28@gmail.com theztyle: http://flyingtrapeze.theztyle.com beauty exchange: http://www.beautyexchange.com.hk/blog/%E7%A9%BA%E4%B8%AD%E9%9D%9E%E4%BA%BA UBlog: https://blog.ulifestyle.com.hk/blogger/flyingtrapeze/ BeautyExp: http://www.beautyexp.com/articles/author/flying-trapeze28gmail-com/ 歡迎你地follow我既ig: flying.trapeze28
