試問有邊個女仔唔想一起身之後就好似童話故事d公主咁 有一對精靈大眼同埋又長又翹既眼睫毛呢？♥ 近期最hit既植眼睫毛就令呢個願望變得不再是夢 而我都岩岩植左 就同大家分享一下植後化妝同護理既分享啦～♥♥ 由於我本身既睫毛短而幼 再加上工作關係 每次返工我都會癡假眼睫毛 令本身想化妝程序簡單既我 都覺得有d花時間 所以係朋友介紹下就去左植眼睫毛啦～ 而家一起身就擁有一條自然眼線加又長又濃密既眼睫毛 真係覺得好amazing~ 無論化返工妝定淡妝都慳返唔少時間！ 而家就分享下平時化淡妝既步驟啦～ 1. 用MAC Pro Longwear Eyeliner 畫上內眼線 2. 用Heroine Make 既Waterproof Eyeliner延長眼尾 3. 然後將Urban Decay NAKED 3 既Liar 同 Mugshot mix埋加係眼中至尾位置，令眼神變得深邃 4. 再用Buzz 加係眼球最突出既位置 5. 再將所有顏色blend開 大功告成！ (好似近鏡加上擘大眼唔係好覺呀可lol)(笑) 坦白講句 雖然化妝時間有縮短到 但係卸妝清潔既護理程序就延長左！（哭） 因為唔能夠直接捽眼既關係 所有野都要變得萬二分小心咁做（驚） 首先 卸妝方面 唔可以用有纖維會起棉絲既化妝棉 用麗的或者 Silcat日本化妝棉都可以 因為含棉絮既化妝棉會同眼睫毛打哂kick!!!!! 如果內眼線或者眼睫毛之間既空隙就建議用棉花棒卸啦～ 1. 先用卸妝油沾濕化妝棉 2. 再將化妝棉放係眼蓋上敷一陣 先抹走eyeshadow 3. 再用棉花棒卸走內眼線及下眼線 過水後通常d水都會令d眼睫毛癡埋一齊 呢個時候可以用睫毛梳梳下佢～ 比起未植之前要更小心眼部護理！ 因為d化妝品或者化妝棉絮會更容易留係睫毛間 所以建議大用洗眼水用得密d 原先可能一星期用1-2次 到2日1次 咁就唔會咁易發炎啦～ 到第3至4個星期 植左既眼睫毛就會越變越少（哭） 呢個時候可以再癡分段既假眼睫毛 望落去會無咁奇怪（笑） 總括而言 植眼睫毛對我黎講只係將時間花係唔同地方 但係出黎既效果對比癡眼睫毛係真係會自然d 同埋唔會因為自己手勢唔好癡到拮到眼 所以真係各有各好處（笑） 但奉勸大家如果想植既話 真係要考慮美容院衛生問題同埋自己會唔會花時間打理 話哂對眼咁重要 都唔想因為原本由扮靚變發炎感染架嘛係咪？ 奉勸各位sis 記得勤力護理雙眼呀！ ♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥ 歡迎邀稿，試用及合作 Email: flying.trapeze28@gmail.com theztyle: http://flyingtrapeze.theztyle.com beauty exchange: http://www.beautyexchange.com.hk/blog/%E7%A9%BA%E4%B8%AD%E9%9D%9E%E4%BA%BA UBlog: https://blog.ulifestyle.com.hk/blogger/flyingtrapeze/ BeautyExp: http://www.beautyexp.com/articles/author/flying-trapeze28gmail-com/
