相信而家好多女仔都鍾意自己一個去旅行感受一下異國風情 但係除左化妝品要帶齊之外 好多野都要帶定以備不時之需！ 咁先可以Enjoy Your Journey＾＾ 今次就同大家分享下平時究竟空姐會帶d咩啦～ 平時我地都會有一個隨身既Handbag 裡面裝既野大家可以當平時手袋咁參考一下～ 1.證件類 出國旅行要帶Passport是常識吧～ 但係保險公司緊急醫療援助服務張卡片你又記唔記得帶呢？～ 奉勸各位 旅行隨時都會發生意外大家都估唔到 如果真係不幸[touchwood]遇上意外而需要緊急住院既話 上面個電話真係你既救命鐘黎架～ 而筆除左我地會用黎記低乘客資料之外 大家填landing form都要枝筆掛～ 唔係個個空姐都會好似非人咁好人借筆俾你地架^^（笑） 2. 美妝類 Dior Addict Lip Tint同YSL唇膏都係我必帶 因為我地既嘴唇無時無刻都要keep住紅 而兩枝都可以做到long lasting既效果 個人認為Dior Addict既滋潤度會較高～ 眼線相信都係每個女仔補妝法寶之一 而眼線一定要超級防水防汗防油兼持久 我就會揀Heroine Make既眼線筆用黎補 貪佢平之餘夠黑夠持久 Long Haul都係靠佢架咋～ 而香水我就會選擇走珠式既 夠細枝幼身唔會霸太多位 點解唔帶香水版？ –>噴多兩野就無哂啦～（笑） 而呢隻Matomage Styling Gel由我入行開始就用 因為以前紮頭真係要一條頭髮都唔要走出黎 就要隨身帶呢隻Gel收埋baby hair～ 但個人認為呢隻Gel都幾lump 同埋唔可以單用佢set頭 一定要配合埋spray 所以只能補搽架咋～ 3. 保濕滋潤類 有睇我第一篇寫既Blog:[分享]長途機必備items大解密!! 既sis都知 我有邊幾樣保養品我會帶上機 除左花水同潤唇膏之外 Handcream 都係個袋一定要帶 因為隻手都會出賣女人既年齡呀嘛～（笑） 坊間包括開架或者專櫃既handcream我都試過哂 唯有Jurlique既handcream係能夠抵禦飛機極其乾燥既天氣！ 你見我用到就黎無哂就知～～～～ 4. 藥妝類 大家都知日本必掃既就係藥妝 除左基本既頭痛藥例如EVE要帶之外 我都會帶定呢隻叫SUDAFED既藥 呢隻藥係美國買既 因為如果鼻塞上機既話 一定會ear block同眉心痛 氣壓太大隨時會爆耳膜！！(驚） 呢隻藥就可以通到眉心 令氣壓可以走得到 仲可以last 12小時架！ 而痱滋藥同濕疹膏都要帶定以備不時之需 試過濕疹痕到發癲呢隻膏真係幫到止痕！ 5. 實用類 錶對空姐黎講除左係形象一部份外亦都好有用 當親愛既乘客捉住你問幾點 無理由拎個電話出黎咁唔pro架嘛～（笑） 呢個時候就要望錶再體貼地轉返目的地時間話俾個客知 成個事pro幾多～(嘻嘻） 而中間呢個真係要隆重介紹啦！ 其實去旅行特別係一個女仔去 安全真係好重要～ 呢個manton既酒店用安全鎖就可以防止有人半夜開你度門 自然就訓得安心d啦～ 因為實在睇得太多好得人驚既新聞啦 要做多一步保護自己！ 而指甲油啦wor 點解我做左gel甲都仲要用？ 其實係for我對絲襪既（笑） 如果不幸地勾爛左對絲襪 可以用指甲油補補對絲襪等佢唔好再爛落去～（雖然爛左就係爛左架啦） 都可以頂多一頂！ 分享完handbag 就當然要分享一下luggage啦！ 以下就係我個gip既standard loading啦！ 基本上對我黎講面部護理最重震係清潔同保濕 自從買左呢個Clarisonic 洗面機之後 真係返唔到轉頭！！ 實在太好用啦媽呀～～～～ 呢款Clarisonic ARIA 既粉紅色真係好靚好靚好靚～ （心心眼） 岩哂粉紅控既女仔 操作程序簡單 而且潔面效果都令我相當滿意！ 洗完真係會滑luet luet!!! 而mask我都會帶保濕mask多 搭完飛機或者曬完太陽敷返個mask皮膚都會有返energy 大家如果想更方便可以帶paper mask 但我個人比較鍾意敷gel mask 寶藝，Annie’s Way 都係我常用既gel mask～ 而全球通用變壓器對於我地空姐黎講簡直係恩物啦～ 去邊度一舊就攪掂唔使煩 變圓腳方腳定三腳都得 得左！ 太陽眼鏡無論係咩時候都岩用 天氣曬無化妝隻眼腫左無神 帶左佢即刻變女神！ 而RayBan Clubmaster永遠係我最愛～ 另外提提大家 如果大家覺得飛機上凍既話 我會建議大家帶私家Blanket或者外套 instead of 披飛機provide既blanket 因為…………(靜雞雞話你聽） 係.好.污.糟.架！！！ 唔想皮膚敏感既就記住自備保暖衣物啦～ 去旅行除左要開心玩得盡興之餘 要玩得安全都好緊要架！ 除左手信 大家都唔想帶住可怕回憶同一身病痛返黎架嘛～ 所以希望我既tips對你地有用啦！ 係呢度祝你: Happy and Safe Flight! ♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥ 歡迎邀稿，試用及合作 Email: flying.trapeze28@gmail.com theztyle: http://flyingtrapeze.theztyle.com beauty exchange: http://www.beautyexchange.com.hk/blog/%E7%A9%BA%E4%B8%AD%E9%9D%9E%E4%BA%BA UBlog: https://blog.ulifestyle.com.hk/blogger/flyingtrapeze/ BeautyExp: http://www.beautyexp.com/articles/author/flying-trapeze28gmail-com/
