實在太耐無出過blog啦～～ 係時候要做返一個關於之前係日本shopping既review!!! 大家都知Tokyu Hands咩都有得買 所以真係瘋狂怒買！$$$T.T (其實都未算最多lol) 其實今次去Tokyu Hands最想睇都係寵物用品 因為我兩隻貓仔而家得四個月大好鍾意玩 所以都想買d玩具俾佢地～ 左邊就係俾貓貓捐黎捐去既隧道 可以摺埋非常慳位 （good!) 而右邊就係一個叫Catch Me If You Can 既電動玩具 係一枝棒係塊布入面轉轉轉引貓貓玩 據講係日本好受歡迎 係Tokyu Hands直情播哂video(lol) 所以就買左一個啦～（連稅2764YEN) 佢安裝方法非常簡單 而且亦都係貫徹日本貨Style:慳位（笑） 佢有4個速度既mode選擇既 可以根據貓貓既體力同靈活程度作調較 我見貓貓都玩得好開心 就當佢地都好滿意啦～(笑） 另外我自己好滿意就係買到呢個Humidifier～ 之前飛個時見到有crew推介 去到日本就即刻搜刮～ 實用之餘價錢亦都好公道（連稅1944YEN) 而佢既操作都非常簡單 先入水去patpat既儲水位 然後打開蓋 d葉就會開始加濕 而我就會預先落d精油係葉度（可加薰衣草,甜橙等寧神安睡既精油) 擺係枕頭邊 第二日起身皮膚同埋個鼻都會無咁乾! 而藥妝方面今次其實都買得唔算多 主要都係買下頭髮護理產品～ 相信近排呢隻botanist都吹得好行下架啦～ 係日本，法國同美國都成為暢銷排行No.1 當然要試試有幾勁！ 黑蓋主打保濕 而白蓋主打順滑 好似非人髮量比較多而且有燙髮染髮既sis可以試下用黑蓋 而成分方面 我都有略略研究過 話就話有90%成分純天然 但其實當中既乳化劑同防腐劑(MIT)含量都頗令我擔心刺激度同過敏度 如果頭皮比較敏感易紅腫既sis就要考慮下適唔適合啦～ 呢個遮白髮marker都係有個有趣既發明(笑） 其實我都有幾多白頭髮（可能以前讀書太用功啦lol) 而我既黑頭髮又好黑而粗 所以白髮就變得好明顯 所以呢個marker能將我既白髮即刻變黑 仲可以變走尷尬 都係一個幾有用既發明XD 最後呢隻洗眼水係我強烈推介！ 平時我地女仔日日化眼妝 又eye shadow又眼線又痴假眼睫毛 會令到d化妝品好易入左眼 有污糟分泌物係眼 所以我做完卸妝潔面間唔中都會用呢隻洗眼水沖下隻眼 咁就唔會咁易發炎啦～＾＾ 今次既敗家分享都係比較另類 以前可能會瘋狂買藥妝 但係當屋企漸漸堆滿化妝品又用唔切既時候 就開始覺得唔想再買咁多咁癲 (但係都會照買不過買少d lol) 希望大家都會鍾意我今次既分享啦～♥♥ ♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥ 歡迎邀稿，試用及合作 Email: flying.trapeze28@gmail.com theztyle: http://flyingtrapeze.theztyle.com beauty exchange: http://www.beautyexchange.com.hk/blog/%E7%A9%BA%E4%B8%AD%E9%9D%9E%E4%BA%BA UBlog: https://blog.ulifestyle.com.hk/blogger/flyingtrapeze/ BeautyExp: http://www.beautyexp.com/articles/author/flying-trapeze28gmail-com/
