近年好多人都越黎越注重護膚品原料同埋製法 甚至DIY 手工皂 加上自己喜歡既精油同材料 近日有同事介紹左台灣品牌「阿原肥皂」俾我識 咁岩係台灣見到 所以買左幾舊返黎自用同做手信～ (照片取自網絡) 「阿原肥皂」既創立係源於創辦人阿原擁有過敏膚質 所以用台灣既草藥自製手工肥皂 最開始係魚腥草，艾草等民間常用草本藥材 隨住發展 十年間已進化到擁有多達三十種味道功效既手工皂及其他個人護理產品 睇完背後既品牌故事 令我對阿原肥皂更有信心～^^ 我今次係買左「燕麥皂」「清肌玉膚皂」「水潤皂」～♥ 而「水潤皂」就係我買黎自用既 睇返當時店面既介紹 水潤皂係其中一款皇牌產品黎架！ 水潤皂嚴選左台灣本土既精油及草藥而製 除左製皂既基礎油橄欖油，小麥胚芽油外 仲添加左咸豐草同月桃 咸豐草能夠紓緩皮膚 調理肌膚健康 而月桃就能夠深層保濕～ 呢款手工皂沖完之後唔會乾爭爭 而且我膝頭哥後面既濕疹位都好似無咁痕 (因為近排潮濕返所以我濕疹又有d發作orz) 呢排我都會先轉用水潤皂 觀察下濕疹既情況先T。T 而燕麥我就係買俾一個向來都有濕疹困擾既朋友用既～ 唔同水潤皂 燕麥皂係無添加任何精油既 更加適合極敏感肌使用 利用燕麥等穀類作自然修護 能夠俾皮膚最簡單而純正既呵護 而「清肌玉膚皂」就係用左12道工序同多種天然植物萃取配製 話到明「清肌」 即係會幫你深層潔淨毛孔 洗走多餘油脂 因為裡面加左魚腥草，馬鞭草等溫和潔淨皮膚既成份 令你既毛孔可以～呼吸XD 最適合身體有生暗瘡或者暗粒既sis~ 而每個手工皂後面都印有製造日期 令用家用得安心～ 順帶一提 阿原肥皂除左可以用黎沖涼外 更可以用黎洗面架～ 其實諗諗下 用手工皂沖涼同洗面都應該可以慳錢XD 除左可以唔使買多一樣product外 比起沖涼液 佢地更加耐用 咁大舊日日用都應該可以用到三四個月 唔使成日買 而且手工皂成份天然安全～ 都係一個唔錯既扮靚慳錢良方！♥ ♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥ 歡迎邀稿，試用及合作 Email: flying.trapeze28@gmail.com theztyle: http://flyingtrapeze.theztyle.com beauty exchange: http://www.beautyexchange.com.hk/blog/%E7%A9%BA%E4%B8%AD%E9%9D%9E%E4%BA%BA UBlog: https://blog.ulifestyle.com.hk/blogger/flyingtrapeze/ BeautyExp: http://www.beautyexp.com/articles/author/flying-trapeze28gmail-com/
