現今都市人生活繁忙 其實好多人都會有少少都市病跟身 之前有睇過一篇報導 話輪班及夜班工作既人患癌風險會較一般人高 而空姐更加係其中一個被點名既職業!!! (驚） 其實空姐好多返工都會日夜顛倒 捱通頂更加係家常便飯 再加上體力勞動飲食不定時 其實好多同事都有好多健康問題:( 令到原本唔著重養生既我 都開始留意多左保健養生既貼士同食譜～♥ 首先講下朝早啦～ 而家我每日朝早都會飲一杯羅漢果洛神花茶既♥ (張相無羅漢果係因為我屋企已經用哂哈哈lol) 上圖既洛神花乾其實係我媽咪買新鮮花返黎自己曬既 因為出面既洛神花乾好多色澤都唔靚 所以有心機既sis不妨試下買返黎自己曬！！ 材料: 羅漢果1/5 個, 洛神花2-3朵 做法非常簡單 將所有材料放入滾水，滾好後關火再焗一焗 就完成架啦! 羅漢果能夠增強抵抗力 而洛神花就可以降血脂 長期飲可以調理返身體 會無咁易病架！ 最重要就係仲可以抗氧化 女人最重視既抗氧化!!!!! 但係呢個茶擺耐左就會變酸 所以盡量趁熱飲啦~ 另一個我會帶上機得閒飲下解渴既就係檸檬蜜糖水啦～ 相信唔使我教大家都知點沖架啦～（笑） 檸檬能夠美白 蜜糖潤肺止咳 平時係飛機度咁乾 飲返d蜜糖水潤返就岩哂～ 好過成日飲咖啡提神 又飲汽水增肥啦～（笑） 另一樣養生法寶就係燕麥飯啦～ 平時大家煲飯既時候都可以落埋呢d燕麥飯落去 大家都知空姐平時食無定時 餓死都要派埋餐飯收埋d野先到我地食 無食野上機既話分分鐘餓你幾個鐘 長此下去腸道唔健康就好易會有女人通病--便秘0.0 所以我係屋企食飯既話都會落燕麥飯溝白飯 能夠補充纖維 又可以降低膽固醇 perfect池～ 另一個我既養生之道就係戒食飛機餐 由我開始出黎飛既一個月後我已經戒左食飛機餐 因為當飛機上升到一定高度時 人既味蕾感覺會比係地面時差 所以飛機餐要調較得比較咸 先可以達到平時覺得味道岩岩好既效果 因此飛機餐一般都係比較重味 而且多鹽多油 而家我係每次上機前都會自己準備食物 當然我都明白一般人搭飛機好難唔食飛機餐 其實大家可以係買機票時就揀食特別餐(Fruit Platter, Low Fat Meal, Low Salt Meal等等） 就可以健康d架啦～ 其實大家只要係生活中做多少少 都可以同唔健康既生活飲食講拜拜～ 食得健康定隨便都係一種選擇 但係身體係跟我地一世既 更加值得我地悉心照顧～ 無健康既身體,我地點會有力氣完成我地既理想，關心我地身邊既人呢？ 大家要為身體健康一齊加油！ ♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥ 歡迎邀稿，試用及合作 Email: flying.trapeze28@gmail.com theztyle: http://flyingtrapeze.theztyle.com beauty exchange: http://www.beautyexchange.com.hk/blog/%E7%A9%BA%E4%B8%AD%E9%9D%9E%E4%BA%BA UBlog: https://blog.ulifestyle.com.hk/blogger/flyingtrapeze/
