曼谷依家有無數咁多間有水準嘅cafe，我自己最鐘意去Ekkamai ，Thonglor區玩，今次就去咗Piman 49商圈同Ekkmai商圈試玩試食! 新開呢間D'ark Coffee深得我心，除咗有好味法、日、泰創意料理，同法式甜點，我最欣賞佢嘅寧靜環境同barista 哥哥為客人特製嘅人像latte art，正！不過最緊要係一杯香濃又醒晨嘅coffee，呢度就算簡單嘅一杯 Dark Coffee都香味極濃、極醇! 點擊圖片放大 +4 而另一間係Ekkamai嘅Alice In The Wonderland 主題cafe，成間cafe 都係影相位，全部deco都跟足Alice In The Wonderland 入面嘅細節非常有特色。而其中有款好得意嘅cake pop甜品，bite-size 蛋糕外加chocolate，兼feature 唔同國藉嘅super hero/ princess。味道同個外型一樣sweet爆。 點擊圖片放大 +4 除咗剛介紹過嘅Alice in the wonderland主題cafe，呢個Ekkamai商圈仲有大量唔同類型嘅鋪頭 －有可以買到破產嘅二手小店，個人推介(un)fashion，因為佢地收藏大量由店主從外地搜購，兼只得一件嘅貨品，分男、女裝部份，仲有cafe比大家買到攰時去隔離cafe坐下休息一下。另外，仲有專賣膽機同黑膠碟嘅唱片舖，文青系嘅飾品小店，2樓仲有泰國must-go按摩店，絕對可以係呢度玩足成日! 點擊圖片放大 +3 點擊圖片放大 +6 點擊圖片放大 今集肥仔團扮文青帶大家去Ekkamai二手店尋寶，同試最新人氣coffee shop －D'ark Coffee，佢地嘅main dishes同desserts 好好好有水準，重點係coffee - 好到有healing effect 嘅coffee，再加上成間cafe環境非常舒服，可以狂點唔同口味嘅coffee hea 一個下午。 https://youtu.be/kJDSeDzBZKQ?list=PLYQwZvVuMnKjfKSFyuBdh2YKux166KZOw Ekkamai 商圈 地址：Ekamai Mall, Ekkamai Soi 10, Bangkok, Thailand BTS：Ekkamai D’ARK Coffee 地址：Piman 49 - Sukhumvit Soi 49, Bangkok 10110 Thailand BTS：Thonglor 網址：www.darkoffee.com
