事隔3年,因為人為嘅意外,有咗二寶陀住二寶,又要照顧大寶,所以整個人都懶咗索性一次過,二寶嘅懷孕記錄,由week 1 記錄至week 30Week 1 - Week 5 聽聞孕媽發現自己懷孕,係會有先兆除咗經期遲嚟外,會覺得個人好容易攰、大食咗等但今次發現二寶,完全無徵兆可能忙住照顧大寶,所以完全無發現自己有唔同直至經期遲咗,我先懷疑懷上二寶最後驗孕,發現原來二寶已經靜悄悄咁嚟到胡氏Family今胎我比較特別,我係連孕都未驗已經通知定陪月hold期,哈哈哈哈你知啦~陪月好搶手架嘛,而好嘅陪月,仲更加搶手雖然當時未驗孕,但我已十拿九穩,似中獎記得當時就連爸爸都未知情,我已經同陪月hold期諗返轉頭,都覺得好攪笑 驗孕後,證實真係懷有二寶第二步先通知爸爸同屋企人之後就約期睇婦產科醫生至於孕期不適,頭4週都仲未出現但就成日都好肚餓,想食乜就要食到胃口大增Week 6 - Week 12記得當時疫情嚴重,處於第二、三波階段即使我驗孕後都唔敢去公立醫院/健康院做第一次懷孕檢查所以只約期到私家產科做產檢,感覺上安全啲 鑒於睇開嘅產檢醫生要Week 11後先有期因此當時好遲先做第一次產檢而懷孕滿10週就可以抽血做唐氏篩查 今胎選擇咗做T21,大概5日左右就有結果攞咗懷孕證明後,才到政府醫院約期檢查、留床位踏入孕期8-12週左右,胃口開始轉變經常想反胃,胃口及食量都變差,但就無孕吐常常想食酸嘢,胃氣又多,經常要嗝氣而食完或飲完酸性食物,胃部會無咁唔舒服亦無反胃、無食慾不振嘅感覺Week 13 - Week 23今胎嘅胃口及食慾經常轉變基本上,由12週開始胃口反覆、時好時壞睡眠質素亦差到一個點,每晚都唔可以一覺瞓天光第二日又要返工,又要早起湊大寶返學長期處於唔夠瞓嘅狀態,超級辛苦孕期21週,照結構記得二寶當日唔太合作,照到一半,二寶縮埋個人醫生照唔到,我哋要食完lunch返去再照過 至於第一次去政府醫院產檢,已經係22週嘅事當日到QE日間醫療中心嘅婦產科應診 度高磅重,等叫名聽母乳講座,攞埋覆診咭,再等見醫生因為自身有缺鐵性貧血,醫生開咗鐵丸同鈣片比我攞埋藥就走得Week 24 - Week 30踏入懷孕中期,除咗胃口反覆同瞓覺差之外基本上都無乜特別但去到30週,返返下工,我懷疑二寶無胎動,自行入院檢查 下回待續......想追蹤更多愛女及愛犬咖哩的生活日常歡迎like & follow以下專頁, 亦歡迎產品試用或合作#Facebook #Mamibuy #PressLogic #Blogspot #ohpama #UBlog #ESDLife另想查詢代購資訊,可到以下facebook專頁飛行媽媽雜貨代購團