剛剛過去嘅週末,飛行媽媽一家三口行完BB展,順道去埋中環碼頭,帶飛行B坐AIA摩天輪。 嘩!飛行媽媽真係太耐無出城啦,原來摩天輪嘅成人票價已經由以前$100,大幅下調至$20。3-11歲、長者及傷健人士門票只需$10;三歲以下兒童更可免費乘坐。由於新冠病毒關係,香港摩天輪及AIA Vitality 公園考慮到訪客嘅健康同安全,嚴格執行防疫措施。 同一組訪客唔會與其他訪客共享車廂;疫情下自動升級至包廂車卡,包箱原來票價為$160,依家只係$20就可以乘坐,超抵玩! 摩天輪轉3個圈,全程約15分鐘左右,輪候摩天輪期間又可以用大會自助相機影靚相。 至於特別組合:摩天輪+旋轉木馬,成人門票$40,小童門票:$30。我哋就買咗2張成人特別組合門票,飛行B未滿3歲,可以免費乘坐。玩完摩天輪再玩埋旋轉木馬 除咗摩天輪同旋轉木馬外,大會亦為市民定期舉辦康體運動班,例如:瑜珈班、健身班、搖擺舞蹈班等,費用全免,喺官網就可以報名啦~官方網頁https://hkow.hk/zh-hant/地址香港摩天輪 | AIA Vitality 公園香港中環民光街33號開放時間星期一至星期四,中午12時–下午9時星期五至星期日(包括公眾假期及前夕): 上午11時–下午11時(最後登車時間為下午8時30分/10時30分)購票方法1. 網上預訂 (只可預購摩天輪門票)https://www.zicket.co/zh-hant/hong-kong-observation-wheel?_ga=2.12737655.137990598.1603776623-1118244462.16037766232. 摩天輪正前方售票處想追蹤更多胡小姐及愛犬咖哩的生活日常歡迎like & follow以下專頁, 亦歡迎產品試用或合作#Facebook #Mamibuy #PressLogic #Blogspot #ohpama另想查詢代購資訊,可到以下facebook專頁飛飛行媽媽雜貨代購團