女士們去韓國當然唔少得既就係狂掃skincare啦!一去完韓國返黎香港就開Etude House啦!心諗:中伏了!做乜要山長水遠搭飛機過去買呢?不過都唔係既,至少係韓國買完試過好既可以係香港入貨嘛! 不過今次要同大家分享既係係香港仲未有專門店既innisfree! 其實點解innisfree近期成為我既至愛呢,其實係因為佢主打天然同有機!!!!!innisfree大部份既成份都係來自天然/有機既植物,某D仲係來自冇被污染既濟州島上既植物/火山泥等等......聽到都覺得健康!對於一個成日都要化妝既人黎講,皮膚日日係咁吸入化妝品,一年就會吸入至少三磅既化妝品!!!所以skincare既成份一定要多加注意!最好就當然係天然/有機啦!就算吸收左入皮膚都冇咁傷嘛! 由於我係暗瘡皮膚,今次介紹既產品都係for油性/暗瘡性皮膚用既.其實呢個product都係innisfree既staff推介我用既~jejubija anti-trouble skin.去到韓國第一日就買左set試用裝黎試下.店員都話你試過好用先返黎買啦!如果唔係你覺得唔好用既你都唔洗返黎買啦!冇謂買大大支返到去覺得唔好用又唔用放係度浪費左......呢set試用裝入面有洗面/toner/lotion/moist cream (for sensitive skin)/spot essence.其中我覺得可以encore再用既係佢既洗面同toner. 呢個jejubija anti-trouble skin collection係用左濟州島上既香柏樹, 松樹果, 青檸,檸檬, 薰衣草, 杜松果等等植物提鍊而成.我呢個暗瘡皮膚既人,試過唔少用過要黎治痘痘既skincare,通常成份都係最常見既茶樹油.好似呢個collection用既香柏樹,同松樹果都真係第一次原來係韓國已經有研究指出松樹,杜松果等比茶樹更有效修復痘痘皮膚. 所以一打開洗面膏就已經聞到一陣陣既松樹果既味道,而唔係茶樹油.只需要用好少既份量就較啦!濕少少水係手起泡就可以洗面啦!(記住要係手度起左泡先好塗上面!如果唔係會對面部皮膚帶黎負擔) 洗到上面又有另一個驚喜!!嘩!好清涼既感覺呀!暗瘡性皮膚既朋友皮膚通常都會紅紅,呢度清涼既感覺相信可以減輕面部既氾紅. 係韓國成個星期,日日都係對住燒烤,加上本面皮膚又唔好,下巴係咁生痘痘!不過keep住用呢個jejubija anti-trouble skin collection,痘痘真係有退落黎既現象!諗住去韓國又受痘痘困擾既朋友可以考慮一下我既推介! 順帶一提:innisfree既capsule recipe pack亦都會抵買!同樣有for anti-trouble skin用架!仲一小盒可以用兩次添!一小capsule用一次份量有點兒多!不過唔建議放太耐.始終開封左之後就會容易有細菌/污染.
