黎到泰豪爽之旅既第二日,主要都係留係Siam.話明係豪爽之旅,就當然係訓到自然醒啦!所以刷完牙洗完面離開酒店出去既時候已經差唔多係中午.落左去樓下Central World既三樓食Laem Cha Reon Seafood.呢間泰菜一直深受泰國人歡迎架!海鮮都算新鮮,而且價錢相宜!但係當然唔可以同香港既比啦!呢餐"早中飯"誇張地叫左冬陰公湯/蝦餅/蒜香魷魚/炒蜆.Whats app D相比阿媽睇都話有冇搞錯?叫呢D做早餐?!哈哈哈!咁我都承認係有D過份既!呢間冬陰公既味道比較辣!因為入面加左幾條辣椒乾!不過男朋友就話正!可能呢D先係正宗掛?!湯入面仲有磨菇/蝦/大量香料.D蝦比想像中好!好爽口!蝦餅都好好食! 超heavy既"泰式早餐" 食飽飽又係時候出發啦!Siam行黎行去都係個幾個商場架啦!Siam Paragon, Siam Centre, Siam Discovery……呢幾年泰國既大商場都已經變得好國際化,好多大brand都已經進駐晒呢度,而特色小店已經少之又少啦!所以我覺得已經冇以前咁好行!令我行得最耐就係Siam Paragon入面basement既gourment market.行supermarket就最開心架啦!又可以買到好多泰國限定既零食做手信!又平靚正!哈哈! 初時揀酒店既時候諗住揀住central world樓上實夠方便啦!點知都係麻麻地!因為central world係位於Siam同Chit Lom兩個站中間,兩頭唔到岸!不過唯一既好處就係可以買完野即刻放返上酒店先,跟住就去行過! 行完幾個大商場,諗住去行下Siam Square啦,但係我個肚又咕咕聲啦,醫醫肚先!係Siam Square行左幾個圈,都冇乜頭緒食乜好?Food court又唔想食,太local既又唔敢食,所以最後都係反兜Ban Khun Mae!哈哈哈!是日晚餐叫左菠蘿炒飯/紅咖哩煮蝦/蒸魚.樣樣都好好食! 是日晚餐 菠蘿炒飯好好笑地有三塊腸, 紅咖哩煮蝦D汁送飯一流,蒸魚同香港個D差唔多,即係香港既泰菜館都做得好地道! 之前一晚黎已經想食芒果糯米飯架啦! 可惜我眼闊肚窄!見到其他人order左,個樣好吸引!今晚終於有肚食得落啦!芒果個size好大,好似水仙芒咁大!不過食落又唔係水仙芒既味道喎,似呂宋芒多D!糯米飯暖暖地再加上椰汁~一流呀!! 每晚7:00-9:00仲有現場演奏 食完飯有氣力行街啦!可惜Siam Square既鋪頭都閂左好多,唯有第二日黎行過啦! 大家請密切留意我既"五日四夜泰豪爽之旅~ Day 3". 預告一下: Day 3全日只有兩個活動: 1) 包起閣樓做一個四個鐘頭既Spa, 2)去全世界最高既outdoor餐廳 (Sirocco) 晚飯 希望大家鍾意我Day 2簡短既分享啦!就住click like呀! ^.^
