漢城夜晚 南山塔中 跟你再相遇….. 今次要為大家分享既係首爾南山塔.係planning要黎首爾既時候,一直都好期待南山塔呢個地方,因為好多韓劇,男主角都會帶女主角去南山塔! (雖然我睇過既韓劇唔多,但係至少我睇過既”咖啡王子”,”我係金三順”…..等等都有呀!) 睇過其他blogger去南山塔既日境同夜境,黃昏上去時間就最prefect啦!睇到日落黃昏,又可以睇埋全首爾既夜晚! 上南山塔首先要去明洞搭升降機上去搭纜車,咁就唔洗行上山! 上到去買埋纜車飛就可以出發啦!好期待呀!!成日睇韓劇都見到D男女主角去南山塔搭纜車,今次我終於體會到啦! 入到去纜車,好似香港搭地鐵咁!好多人呀!想霸個靚位影相的確有D難!不過唔緊要啦!上面個境先係重點! 搭完纜車上到去啱啱好開始日落,個太陽開始西斜!陽光係樹中間射落黎,D光線好靚! 行過木梯級終於上到去南山塔!個個即刻想盡辦法影晒成個南山塔! 要影埋個頂確實唔係易事! 影完相就去買飛上去觀景臺.上面其實仲有個Teddy Bear Museum,不過我就冇去啦!所以只係買左飛去觀景臺.係上去之前,比我見到好幾棵樹上面有好多鎖!哦!我又要寫!!!!!!一場黎到,點都要做返D遊客要做既野!於是我地就係小商店入面就左個鎖+memo pad,寫完我既愛的宣言就揀返棵好樹~上鎖!大公告成! 肚仔有D餓,食少少野先上去啦! 係南山塔下面有幾間餐廳, 我地就揀左一間聲稱自己係全首爾最好味既burger既快餐店.咁味道又真係唔差,幾好味!D薯條比起鏈鎖快餐店好味好多! 食飽飽之後就上去南山塔啦! 搭電梯上去之前,例牌有工作人員叫你指定地方影返張相. To be honest,呢D影我通常都覺得影得麻麻地,求其key你個樣上去就算咁就收係一百幾十,所以我都唔會買. 上到去我都唔期望有咩野睇!都係睇下萬家燈火咁囉! 不過係可以睇到漢江同江南一帶.,所以冇係上面留太耐.觀景臺度仲有幾間小小既商店,不過賣既野就唔多吸引. 唯一一個service我覺得比較特別既係postal service.你可以係商店度買張postcard,之後寫上你既愛的宣言,寄比特定既人! (好似仲有個與別不同既印)商店隔離仲有個郵筒比你寄信,都幾特別! 返返落塔底, 我覺得塔底仲多野睇! 好多人鎖佢地既愛情鎖係度!又有個大心心係度,影下相都幾靚! 完左南山塔呢個行程之後就去食晚餐啦!今晚又係食韓燒!哈哈!好在我同男朋友都鍾意食韓國野,日日對住D爐/燒都冇問題!今晚我地要去既係旅遊書推介,位於明洞既景福宮!冇錯!同皇宮一樣名既景福宮呀! 入去之前都知道係貴野黎架啦! 既然旅遊書講到咁好味,咪豪爽一次試下囉!係好食既,貴又冇所謂! 一入到去座好,發現座隔離既,同座前面既都係香港人!!!! 心諗:大家梗係拎埋同一本旅遊書啦!之後大家都發現大家係香港人,不若而同都係話睇旅遊書介紹!哈哈! 個度既牛肉係比起其他地方既的確係靚D.但係咪真係值呢? 我只可以話試過就可以啦! (返到香港,我個韓國迷朋友話景福宮係貴架!專做遊客生意) 點擊圖片放大 +2 食完飯之後,行返過去明洞諗住搭地鐵走,經過一間士多仔,見到有大盒既market o,仲要平過supermarket 100 won,即刻掃左兩盒!哈哈! 好!可以返酒店啦! 又係滿足既一日! ~第二日完~
