早前颱風襲那霸,不其然令我諗起我在沖繩的日子....雖然已經差不多係兩年前既事,不過都想同大家分享一下. 我對沖繩既認識,應該係從"戀戰沖繩"呢套電影開始.當時只知道沖繩有好多好水清沙幼既沙灘,萬座毛,水族館....當我決定要去沖繩既時候,就做左d research去發掘一下仲有咩好去處. 由於當時年紀少,冇車牌,所以就不能夠自駕遊.唯有搭下巴士啦.(不過還是建議自駕遊,因為所以出租車都有GPS,而且北部的巴士班次比較疏). 到達沖繩當日,立刻到巴士站出發到酒店!每個巴士站都有時間表,大家就可以預計到巴士大概幾時黎.(時間都幾準) 座長途車怕自己忘記0係係第幾個站上車既朋友可以0係車頭拎張飛仔,到落車時再對照返車頭個電子表,睇下要比幾多錢.(第一次0係沖繩座巴士,同司機雞同鴨講左好耐先知道原來係落車先比錢) 由於去到已經係黃昏既關係,肚仔餓啦!要出去搵食啦.走下走下,見到一間外表好普通好平庸既小店,心諗:呢d小店可能先會搵到最地道既野食.抱住呢個信念我就走左入去.入面只有幾張好矮既枱,座既都係塌塌米.就好似私房菜咁.餐牌就寫晒0係wall度.用謹有既日文點左沖繩そば(そば係沖繩特有既拉麵)同苦瓜炒蛋(聽聞沖繩既苦瓜係唔苦既,雖然我唔食苦瓜,一場黎到點都要試下).婆婆仲好好人咁送左碟海葡萄比我地食. 點擊圖片放大 第二日繼續向北部出發.今日既行程會去萬座毛,海洋塔同水族館. 沖繩既巴士司機人好好哦,知道我地係旅客都特別照顧我地.佢知道我地要去萬座毛,提我地下一個站先落車.(因為我早左一個站按有落) 萬座毛,就好似我睇戀戰沖繩咁......一大塊草地,望過去對面個萬座毛囉.就係咁簡單.哈哈!所以大家唔洗預太多時間0係呢度.不過都好壯觀架!!之後我地就捉緊時間去第二個目的地~海中展望塔. 去海中展望塔有第個目的,就係落去塔下面睇魚同埋座玻璃船!因為海中展望塔真係0係海中間,所以要行一條橋出去.有貼假睫毛既女生要貼實d睫毛呀!真係好大風呀!!!!!!落到塔底,水仍然十分清晰!大魚小魚就0係你面前游呀游!好靚呀!!!!之後我地就去左座玻璃船.由於船底係用玻璃做既,所以可以睇到好多魚同珊瑚!船長仲會行到去海中間,灑魚糧落海比魚食,等D魚跳上黎!好興奮呀!船上面仲會有一位導遊講解.(可惜只提供日文說明)0係離開之前,我都不禁要踩下沖繩個沙灘.....真係水清沙幼! 點擊圖片放大 +2 最後就黎到今日既最後一個行程,亦都係全個trip最重點要去既地方~ 被喻為全世界最靚既水族館"沖繩美ら海水族館"! 黎呢度我最想睇既就係"黑潮之海"入面個幾條大大條既鯨鯊!!同埋佢地個海洋劇場!!"五個撲水的少年"就係0係呢度拍架啦!0係黑潮之海入面附設餐廳,遊客可以一邊食野一邊睇鯨鯊.當然仲有鯊魚,魔鬼魚等等既魚啦!除左"黑潮之海", 大家仲可以去探下呢度既Miss Fuji(海豚)小姐.說真的,去過呢個水族館,其他地方既水族館真係完全比下去!!!果然係全世界最靚既水族館!名不虛傳!!雖然係比較遠,但係真係好值得黎.如果係搭巴士既朋友最好到步既時候順便睇埋落返名護既巴士時間,因為每班次可能相隔一個鐘. 南面既行程下一次再同大家分享 ;)
