由於男朋友係澳門人既關係,近呢幾年都得到澳門政府既福利,年年多幾千蚊資助我地四處遊玩!雖然男朋友少時候真係係澳門住過幾年,但自幾歲以後都係以香港為家.年年白白拎澳門政府幾千蚊真係有點過意唔去.好啦!我地一於去澳門消費一下啦!橫豎都係澳門政府既錢,洗多左都唔會肉痛!! 近幾次去澳門都係住係新豪天地一帶,好似Hard Rock Hotel同Galaxy咁.全部既酒店都好新好靚!我個人比較貪心/浮誇,都係鍾情Galaxy多D. 唔知道大家有冇留意,當你一走入Galaxy,你就會聞到好大陣既香味? 雖然講唔出個隻係咩味,但係都我每次係香港聞到呢陣味時,都會拎我諗起Galaxy. 不得不說呢個係一個好好既strategy!! 去過Galaxy既朋友都知道佢地有一個人造沙灘,但係我偏愛泳池旁邊既兩個按摩池.好適合情侶們一齊去relax下!(但係謹記酒店房既住客係可以見到你地既一舉一動). 客房既浴室係我好注重既其中一個地方,Galaxy既浴室有一個大玻璃,可以比你望到廳個電視,而且仲好貼心咁有個音量制係旁邊,等你可以邊睇電視邊浸浴!正! 住係Galaxy既另一個好處就係方便搵食!唔洗搭車,行過去就到既官也街就夠我食幾餐!好多朋友去澳門都可能會去食自助餐,但係地道既食物先最吸引我! 黎到官也街,有幾間餐廳係我一定會幫襯既,其中一間就係”山度士”.而必點既就梗係炸馬介優球同葡式炒蜆!葡式炒蜆更係我返到香港之後學煮既其中一個餸! 除左葡式食品之外,香港食唔到既野我都會去試.男朋友就帶左我去”手肘圍”既”保記”.只係睇門面真係唔敢入去.如果唔係男朋友食過話要食,都唔信入面係有食肆. 而個度較為出名既就有咖哩牛腩同咖哩魷魚!我係香港就真係冇咁樣食過咖哩牛腩河! 講完食,葡式建築都係另一個我愛澳門既地方!葡式建築有一種好獨特既地方:藍白磚畫同埋粉色既牆身,完全突顯出澳門被葡萄牙統治過既歷史背景.當我同男朋友周圍亂行既時候,竟然比我係大三巴附近發現左一條”戀愛巷”!呢個時候梗係要留倩影啦!情侶們一定要到此一遊呀! 澳門~我一定會再黎發掘更多好玩好食又好既地方!!
