夏天都嚟左一段日子啦，對於我呢d 雀斑女嚟講，真係倒錢嘅季節，由美白到防曬，又要照顧補濕，保持皮膚水油平衡，真係做漏一樣都唔得呀。 今個夏天開始前我就開始用sofina 嘅美白抗老化防曬乳液，一向都聽好多用家講sofina 呢隻防曬好好用，不過因為自己本身好少用sofina 嘅產品，因此都無咩意欲去試用，不過機緣巧合下又比我有一個免費嘅機會試用。反正唔使錢就用下啦，用左之後真係唔想再轉其他牌子嘅防曬，佢完全附合曬我嘅要求，高效防曬、清爽唔笠(呢樣對於我嚟講十分重要)、美白而且佢仲可以用一般洗面用品清洗，唔使落妝真係啱曬我呢d 懶人。 經過差唔多三個月嘅使用之後，即使之前我去左遊船河、行山都無曬黑到，真係愛死sofina 啦。
