一提起台北溫泉 大家都會諗起北投青磺泉 如果想去近郊體驗古鎮風情 好多人會毫不猶豫咁搭上往九份嘅火車 今次介紹嘅烏來,係一個位於台北市南部嘅小鎮 集溫泉之鄉同古鎮於一身嘅旅遊地區 可惜因為發展同宣傳未夠成熟而被世人遺忘 Flora呢次台北之旅就拜訪烏來 發掘深山中嘅秘景♥ 烏來屬於新北市 由台北車站搭公車只需要一個半鐘就到 係烏來總站落車 可以見到紅色嘅觀光大橋 然後直行就會到小小嘅烏來老街 因為係平日同落雨 老街非常安靜 兩邊有唔少溫泉旅館 同埋賣小食同手信嘅小店 例如小米酒、馬告(山胡椒)、竹筒飯、冰溫泉蛋等等 點擊圖片放大 沿住老街向前走就會過橋 對面係烏來台車 台車係100年前係用人手推動 非常有特色 到左今日就變成色彩繽紛嘅觀光小火車 穿越山嶺就黎到壯麗嘅烏來瀑布 咁岩2月台灣緋寒櫻開 係煙雨濛瀧嘅山谷中 細雨挾送飄落櫻花花瓣 一邊欣賞瀑布飛瀉懸崖 一邊細味泰雅族特製馬克咖啡 實在係別具詩情畫意 最後我再坐台車到烏來站 Flora覺得係烏來一定要浸一次露天溫泉 因為只需要400台幣 就可以一路浸住碳酸美人湯 一路享受烏來老鄉嘅寧靜美景 性價比極高呀~