共享單車ofo連續4個週末(27/1-17/2逢星期六日) 都有免費推廣活動 Flora見假日無聊，決定試下一個人踩單車周圍去 住係屯門嘅我以前中學有時都會同朋友踩去天水圍、元朗 大約1.5小時，條線都踩到厭晒 所以今次決定由屯門黃金海岸條線踩去荃灣～ 共享單車係用分時租賃嘅模式出租單車，有別於傳統單車店，你可以係街度見到呢種單車，只要用電話scan QR code unlock單車，就可去踩住周圍去，然後搵個靚位泊返好佢就得啦～共享單車鼓勵市民以單車代步，非常環保又健康！ ofo小黃車係新界西好常見，我屋企樓下就有架lu 下載左ofo電話app，唔需要按金，scan完就會出現一組密碼 scan~ unlock~ go~ Flora得153cm，將座墊較到最低後岩岩掂到地下 首先出發去屯門三聖青山灣先 沿住黃金海岸巴士線嘅行人路踩 即使係星期六，人車都好少 過左黃金海岸，出現第一個難關 車來車往嘅迴旋處！ 根據google map 我係應該過對面嘅 但係前面根本冇行人路(=皿='') 係路邊等左好耐，諗緊應唔應該過去時 有個全副武裝嘅單車友出現 我向佢再三確定，佢話佢係對面黎 個度traffic好少，踩多8km左右就去到荃灣 好啦～我把心一橫，過去啦！ 係條橋嘅入口我見到 但係個個單車友都係咁過，所以 風景真係好靚♥ 過左呢度就係青龍頭 沿途行人唔多，有人跑步，有人踩單車 有好多一身專業裝備嘅單車手會踩公路 我呢啲業餘嘅乖乖地帶住ofo係行人路上踩就好(^_^) 因為ofo冇得轉波 有時上斜我要落車推 踩左個半鐘左右我就到左深井喇 咁大個女第一次到深井，緊係係度食個lunch 睇下風景 呢度好寧靜呢～但係又有生活所需比居民自給自足 令我諗起陶潛所描述嘅桃花源♥ 係深井兜左陣又出發喇 好快就到左汀九橋，見到荃灣嘅指示牌lu 路經汀蘭居 佢係一個臨海嘅酒店式公寓同宿舍 唔單止環境優美 汀蘭居呢個名都好風雅：岸芷汀蘭，郁郁青青 由深井出發約一個鐘多啲就到左荃灣海濱公園 呼～終於完成目標 由屯門市中心到荃灣西，全程接近3個鐘 用ofo踩或者係慢啲、辛苦啲 因為冇得轉波，要落車慢慢推 不過正因為慢先可以更用心欣賞沿途美麗海景... ... ... ... ... ... ... ... ... ... ... ... ofo短途出行係唔錯嘅選擇 但係如果真係要踩到咁遠 去單車鋪揀返架專業少少嘅單車比較好 所以共享單車雖然環保又方便 都唔代表傳統單車店係冇存在價值架～
