繼續寫包車行程先~ D5: 拉薩 → 林芝 D6: 林芝 → 色季拉山 → 魯朗 → 然烏 D7: 然烏 → 米堆冰川 →林芝 D8: 林芝 → 雅魯藏布大峽谷 → 米林 D9: 米林 → 山南 D10: 山南 → 羊湖 → 日喀則 D11: 日喀則 → 珠峰大本營 D12: 珠峰大本營 → 日喀則 D13: 日喀則 → 納木措 D14: 納木措 → 拉薩 D9: 米林 → 山南 呢日我哋主要係趕路為主，因為米林去山南都真係幾遠! 沿路經過一個好大嘅沙丘，馬上上去行下先! D10: 山南 → 羊湖 → 日喀則 首先我哋去咗雅魯藏布，見到個天同個海真係好近，個刻覺得好靚 (不過之後納木措真係更靚) 架車一路開，沿路見到嘅景色都好靚! 然後我哋上到羊卓雍措，真係好靚，潮水嘅顏色真係靚到令我大開眼界呀! 不過包車哥哥話我哋去嘅時候好多雲，所以唔夠靚，但我已經覺得非常靚啦 跟住我哋架車一路落去，落到去平望個湖，都好靚! 接住我哋去咗睇乃欽康桑峰，不過好可惜天色好暗，影出嚟嘅相唔好睇 最後去咗滿拉水庫，好靚呀 (我詞窮啦，淨係識講好靚，不過真係靚到好難形容) D11: 日喀則 → 珠峰大本營 一大早就起身準備去大本營，首先包車哥哥去咗拎氧氣筒，然後我哋就搭咗好耐車 沿路經過318國道5000km呢個路牌，梗係要等車影一影相~ 搭咗好耐車後，終於去到大本營啦!!!5200米!!! 雖然搭咁耐車，好辛苦，但可以見到呢個景色，真係好值得 大家去大本營時唔使咁心急寫明信片，因為喺大本營個郵局唔可以寄到香港的，要去到拉薩先可以寄的，不過喺大本營嘅郵局度買的話，會有一個大本營先有的郵戳，所以我覺得都可以上到去買明信片的 (不過我到而家兩個月，仍然未有一張收到!) 送上滿天星星的美麗夜景畀大家睇睇~ 大本營好值得去，但真係好凍，同埋夜晚真係會有缺氧嘅情況出現，好彩包車哥哥預先已經借了氧氣筒，可以平安度過難忘的一晚呀~ D12: 珠峰大本營 → 日喀則 呢日又係搭好耐車，出番去日喀則!!沿途見到假的交警，立即落車影相，順便鬆下D筋骨，真係坐車坐到攰! 然後我哋去了扎什倫布寺，可能我哋去到嘅時候已經唔早，所以寺入面唔多人，行到好舒服 D13: 日喀則 → 納木措 D14: 納木措 → 拉薩 搭去納木措嘅沿途，會見到一大片草原，順便地拎起相機都影到呢種美景! 本來打算去納木措睇日落景色，但個天太多雲睇唔到!正值國廢假期，納木措好多人!! 好彩包車哥哥一早幫我哋安排咗喺湖邊度住，令到我哋可以見到朝早嘅納木措景色 好天嘅納木措真係好靚!!! 不過留意番，納木措嘅海拔都好高，要小心唔好行得咁急!! 咁就完咗我嘅十日包車之旅了 雖然搭車嘅時間真係好長好長 但見到嘅景真係會一世難忘 而家諗起都掛住D美景!
