炎炎夏日, 為大地帶黎汗水, 疏導汗水, 必須有涼浸浸的衝擊~ 近日,魚魚就係銅鑼灣發現左一間好好味的刨冰~ 真係我炎炎夏日的大愛呀~ 位於希雲街(近via tokyo) 的氷屋 舖頭細細得15-16 個位. 一個唔留神都會miss 左. 所以, 大家最好唔好係飯後的熱門時間到訪. 當日魚魚.5點左右到都要等20-25分鐘.! 魚魚就嗌左一個期間限定的macha cream special 同加錢要左一個朱古力梳乎里 坐係近門口的位置, 望住出面熱滾滾的風景, 真係寫意~ 刨冰一到- 份量十足!! 足夠2個人食. 上面有忌廉醬配焦糖粒粒, 面頭用抹茶醬舖滿成碗冰 仲有仲有`, 入面有焦糖醬, 冰底有餅碎! 多種層次, 多種感覺 ;p 刨冰幼細軟綿, 入口即溶, 完全沒有任何粗硬的冰粒. 抹茶忌廉醬濃郁帶點甘香苦澀味, 係抹茶魚的最愛! 入面的焦糖醬單吃實在偏甜, 但夾埋抹茶中和返個味, 甘甜的配合....真係要去試下. 食左三分二,,,,開始發現冰底仲有層餅乾碎, 混合埋軟綿綿嘅冰一齊食, 好有驚喜!! 至於梳乎里就唔建議食, 朱古力味濃但口感偏實, 份量亦都比較細. 70蚊左右的冰一啲都唔平, 但炎炎夏日確實對一碗美味的冰無法招架... 當日見到隔離枱色彩繽紛的水果味... 真係要再搵一日去食下...~~ 食完心情靚靚 :D ----------------------- SHARI SHARI Kakigori House 氷屋 銅鑼灣希雲街14號地鋪 (港鐵銅鑼灣站 F1 出口, 步行約7分鐘)