黎到日本, 一到步就要去搵壽司食. 不竟, 佢係吸引我要去日本的其一大重點.!!! 話說有睇上一篇【富士山與芝櫻祭】 的朋友都知條魚旅程頭兩日去左河口湖 但係條魚都唔放過任何小空檔去食的機會! 而究竟我係點樣編排而又唔會趕頭趕命呢. (機場7:xx/ 巴士去新宿10:00/ 巴士西口locker 放行李+ 換去河口的車飛/ 仲有時間周圍行下/ 11:15 食壽司/ 食完慢慢hea 去西口搭車/ 1:15 上車/3:xx到) PERFECT! :D 登登登登~~~ 元祖立食壽司（立喰い寿司 魚がし日本） 呢間壽司舖又方便又好食!! 搞到我地最後一日臨上機前又去食多次~ 佢係新宿/ 涉谷/池袋都有分店. (我記得店內poster 好似話大阪都開左) 夜晚做宵夜都仲得呀. 佢嘅材料係每日築地新鮮直送, 即叫即整~ 條魚第三日都有去築地食壽司, 如果你去築地只為食壽司. 我覺得呢間已經好正.! 根本唔需要坐半個鐘車. 仲要排幾個鐘隊去食. 重點係....仲要係好抵食. 一啲都唔貴~ 最貴的拖羅/海膽都係648YAN (~HKD44)/ 2件!!! 其他就162-432 不等 (~HKD11-30)/ 係2件.!!! 但提提大家. 呢間壽司係企係到食的. 店舖亦都唔大. 所以盡量都唔好係正食飯的黃金時間去食.~ 我地11:xx 去完全唔洗排. ( 條魚就認為立食+ 用手食 風味十足) 入到去佢會有MENU. 全部都有圖. 所以唔洗擔心. 2次入到去都只係見到日本人黎食. 仲未有遊客. 有餐有散叫. 日本人通常都嗌.速速食完就走. 好似快餐店咁XD 必食就一定係menu 頭3樣. 我兒家仲記憶猶新!! 大拖羅<3 海膽<3 蝦<3 (encore 是必須的) 舊舊都好足料. 啲海膽同蟹膏係佈滿成個口. 醋飯係微溫, 口感一流! 嗌得牡丹蝦師傅就會拎住個蝦頭問,miso miso? 你就緊係答yayaya... 跟住一碗充滿蝦膏的miso soup 就會係你眼前<3 超正呀, 咁都可以兩味! (係! 唔好意思~ 我已經飲左大半碗 哈哈哈) 當然大家唔好同貴格或者michelin餐廳比. 以呢個幾蚊一舊的價格, 對魚黎講.CP 值係已經爆哂表! 記得主打係平快靚正! 唔講咁多, plan 緊要去日本的你地, 仲唔bookmark XD 希望我下次去唔會好多人. ... ... 順帶一提~ 去築地的動力~ 就係呢個海膽王同雪糕~~~ (個雪糕好有驚喜! 超重奶油味加白之戀人餅筒) 我好掛住佢地呀!!! ----------------------------------------------------------------- 魚魚不是代言人但極力推薦之~ 元祖立食壽司（立喰い寿司 魚がし日本一） 新宿西口店/ 東京都新宿区西新宿1-12 河西ビル １Ｆ 渋谷/ 東京都渋谷区宇田川町25-6 池袋西口店/ 東京都豊島区西池袋1-35-1 カドビル １Ｆ 営業時間 11:00-22:00 必食~ 大拖羅/海膽/牡丹蝦/蟹膏 ----------------------------------------------------- 正正子~Oishi~~~ Email: sasaselene@gmail.com Blog: http://fishnchipss.blogspot.sg/
