今次去呢間位於帝盛酒店1樓嘅中菜館，裝修簡潔坐得舒服，叫咗休閒二人套餐$688。 🥢陳醋豬手爽口軟糯，蒜香味濃郁，清爽唔膩。 🥢冰鎮南非鮑魚2隻大大隻，已經切開幾件，食得方便，質地爽口緊緻，帶點酒香。 🥢海蜇拼醉香鴨舌4條海蜇爽脆Q彈，鴨舌軟滑中帶點嚼勁。 🥣杏汁白肺燉湯湯頭入口香濃，啖啖杏仁香，順喉潤肺，啱哂秋燥天氣。 🥣茶樹菇燉排骨湯熱辣辣暖笠笠，清甜又充滿椰子香，飲落啖啖精華。 🥢鹵水鵝肉拼五香牛展鵝肉軟嫩有緻，油脂甘香與鹵水汁配合平衡；牛展口感爽脆有彈性，五香料味道剛好。點擊圖片放大 🥢櫻花蝦百合炒蘭遠百合清甜，芥蘭爽脆，加上大量櫻花蝦，每啖都帶有櫻花蝦嘅鹹香鮮味。 🥢名人炒飯飯粒炒得夠哂乾身，粒粒分，加入大量櫻花蝦，鮮香惹味。 🍯清心綠豆爽$28開邊綠豆鬆軟綿腍，清心丸Q彈，馬蹄爽脆，再加埋清甜湯汁，超正。 🍯福果薏米蛋白腐竹糖水$28薏米口感Q彈綿滑，福果糯香彈牙，腐竹溶化於湯頭中，濃郁幼滑。點擊圖片放大 +2 📍名人館鴻圖道84號香港觀塘帝盛酒店1樓
