仙台出名食牛舌，其實隨便入一間牛舌專門店都好好味，不過我哋對呢間 [牛たん料理 閣] 特別鍾情。 店舖位於仙台市中心，晚市時段5點開始，建議早點去避開人潮，我哋6點幾去到等足90分鐘，不過食完就覺得好值得同好滿足。 我哋主攻牛舌定食，厚度只有一款，與其他連鎖店舖如善治郎、利久等不同可揀選厚度；而枚數可選擇4、5或6枚，我哋係牛舌愛好者，叫咗6枚；定食還包咗鹽味牛湯、醃漬白菜、肉醬味噌及麥飯。 牛舌係炭火燒，入口超有炭香風味，以簡單鹽花作調味已能吊出牛舌嘅鮮甜味，口感juicy又爽嫩無比。點擊圖片放大 肉醬味噌辣辣香香超下飯，鹽味牛湯內嘅牛筋超有口感，湯頭鹹鹹地都幾好飲，麥飯口感略為硬身。 小貼士：1）早點去避開人潮2）有可能要坐榻榻米，如果要座椅記得同店員講。3）要落地下1樓B1，行動不便請注意。4）還有其他料理，唔食牛舌嘅朋友都有其他選擇。5）唔係排隊，記得在門口撳張號碼籌。6)今次我哋去咗 [ブランドーム本店]，另外仙台仲有幾間分店。點擊圖片放大 📍宮城県仙台市青葉区一番町３丁目８−14 鈴喜陶器店 地下1階🌐 牛たん料理 閣 | 創業昭和63年以来こだわり続けた牛タンの味 https://share.google/IKLOoKORnHTcAHaSF
