走入呢間餐廳後會令人感覺好放鬆舒適,就好像置身於山林綠洲中,繃緊嘅心情都可得到治癒。🥢低溫慢煎三文魚沙律 $148色彩好靚,三文魚鮮甜軟嫩,另外仲有黑莓、樹莓、無花果及蔬菜,配上蜂蜜黑醋汁,清新又健康。 🥢羅勒烤胡蘿蔔暖沙律$128呢款沙律因為烤過,所以上檯時仲係暖暖地,有手指紫蘿蔔、紅蘿蔔及黃蘿蔔,口感爽脆鮮甜,仲有松子仁、琥珀合桃及羅勒,多重口感,並配上清甜嘅蜂蜜。 🥢火山黑松露和牛眼肉 (200g)$448和牛眼肉軟腍juicy,味道濃郁,配菜有火山造型嘅芝士薯蓉,口感綿密細緻,用上薑蔥蓉醬汁,可減膩之餘仲可增添清爽鹹香風味。 🥢黑松露牛肉臘腸飯$168放上枱已經聞到超濃郁嘅黑松露味,飯粒爽口,配與流心度剛好又夠蛋香嘅無菌蛋一齊食超惹味,裏面仲有充滿口感嘅牛裏脊粒、口感Q彈嘅港式臘腸 、爽香嘅牛肝菌、清爽嘅蘆筍及荷蘭豆,仲有清甜蘑菇,真係越食越上癮。 🍹萌獅紫霧森林(凍)$62獅師造型又cool又可愛,原材料係用黑枸杞及檸檬,味道酸酸地好清新,啱哂盛夏嘅天氣。 🍸荔枝椰雲冰沙杯$68沙冰充滿椰青嘅清甜味道,仲有原粒爽甜荔枝及爽香青提,非常消暑。 呢間餐廳每道菜擺盤都非常精緻,與充滿大自然氣息嘅環境非常配合,隨手一拍都係網紅感。仲設有戶外寵物友善區,店家可提供毛孩免費零食及一次性水碗等, 確係窩心。點擊圖片放大 📍花廚CAFÉ啟德協調道10號天璽天商場2樓203號舖