今次試咗呢間食肉獸至愛嘅巴西烤肉 dinner buffet $418，由店員手持巨大鋼叉到客人嘅枱前即席現切烤肉，香港實在罕見。巴西烤肉有牛肉、羊肉、豬肉、雞肉甚至連海鮮及蔬菜都有，牛肉仲有好多不同嘅部位。🍖烤牛肉幾個部位都好正，肉味濃郁，外面帶點焦香，內裡夠juicy，最鍾意係佢哋嘅signature picanha及ribeye。 🍗烤雞無論雞槌定雞中翼都係皮脆肉嫩。 🍖烤豬Pork ribeye肉質厚實爽彈，味道甘甜。 🍖烤羊羊味比較濃郁，肉質爽口嫩滑juicy 。 🍍烤菠蘿最正嘅係有烤菠蘿，超鮮甜多汁，可解油膩感。 整體嘅烤肉都好高質，而且店員仲好nice，無間斷咁問我哋仲要唔要烤肉，直至"I am still hungry"嘅牌反轉為止。自助區同樣精彩🥘熱食方面有薯蓉、蒜蓉飯、粟米湯、燉肉等。 🥗冷盤方面有風乾火腿、煙鴨胸、吞拿魚、青口、烤南瓜及茄子沙律、蕃茄沙律、預伴沙律、新鮮沙律菜、芝士、冷切肉等。點擊圖片放大 🍩甜品方面有朱古力噴泉及布朗尼。 🍉仲有新鮮水果及多款醃漬蔬菜。 🍹Don't be a stranger（圖右） $108充滿熱情果嘅香甜，清新爽口，杯身嘅造型仲好得意添。🍹Lost in translation（圖左） $108同樣都好清新，帶淡淡嘅冬陰功味道，飲落幾過癮。 🥛San Pellegrino $48點擊圖片放大 📍Braza Churrascaria Brazilian Steakhouse蘭桂坊15-16號協興大廈3樓
